ياعين

[POEM="font="Simplified Arabic,4,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black""]

ياعين من كثر السهر لاترفين = الله على كثر المجاهد يعينك
نفسي تشوم وخاطري صايرٍ شين = وماعاد باقي غير أبيّح كنينك
وياقلب لاتشره على دمعة العين = ولاتكدر خاطري من حنينك
أسرح ولاأدري من العنا سارحٍ وين = وأقول ألى ياراحت البال وينك
البارحه وأنا على قاب قوسين = من العنا ياوقت يوم أستبينك
أكثرك شين ومنك ياقلّه الزين = واللي تأمل بك يبى يشوف شينك
لك في الردى عاده ولالك مضامين = ولاأحدٍ يأمّن لك ولاأحدٍ يدينك
لو إنّ لك في الماضي أكبر براهين = لكن مايبين الردى في جبينك
الله من همٍ ليا جا يبى يبين = أقول لا ياصدري إدفن دفينك
لاتفرح عدايه علي والعذولين = ولاتكثر الشكوى على مبغضينك
كتبت لي من واقع الشعر بيتين = وياشعر نزّل قيمتك كاتبينك
أهل البيوت الضايعه والهزيلين = شعاّر عارٍ لأنهم مكسرينك
ياالله وأنا في وجهك من الرديين = أنت الرحيم وكلنا طايعينك
يالآدمي مهما ملكت أنت مسكين = ولو طال عمرك ماتسرك سنينك
والحسبه اللي ماترجّح موازين = ماتنحسب والله بيني وبيينك
مايرجح الميزان إلا مع الدين = وماينفعك في الآخره غير دينك
أبنصح الغاوي تبيع المغّوين = إحذر وخل متابعك مغويينك
وإسمع كلامي وإعرف لمقصدي زين = دوّر على اللي ينفعك مايهينك
لاتخاوي إلاّ الوافيين الأصيلين = ماكل رجالٍ تحطّه يمينك
للبيت ساس وللنصايح فطينين = وعقلك معك والدرب قدام عينك
وإعرف ترى أولى شيء في الكون ثنتين = هي طاعة الله ثم رضى والدينك[/POEM]