وقفة وانقلابه!

صلوا على النبي

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليله المعنى ماخابط وسم وافكاري عسوس=وان طبت الديره تجيب العلم عن نبوتها
بعض الديار تمرها وتشوف باذرها محيوس=وليا تفرق باذر الديره تشين اوقوتها
وبعض الديار بلاطعم لو عشبها غطى الطعوس=مايطمع الوبال في سوق الضعن لخبوتها
والديره اللي تنبت انواع الشجر تشف النفوس=وانا بشر نفسي تناجيني وانا اسمع صوتها
خلاص ابدخل فالحقيقه والحقيقه بري قوس= ماهي علوم اللي ذنبة الطلي ببشوتها
جربت بالدنيا بشر والفايده منها الدروس =ناسٍ انمجدها وناسٍ مانشيل كروتها
والرجل لامنه تزهل لايجي فالحب سوس= واللي تغره رشفة ام التوت يرشف توتها
ياحول ياعبادة الدرهم وعبّاد الفلوس=شرابهم غيمة ندامة والمهازل قوتها
وترى الحوار اليا تعدا امه يسمونه لسوس=والناقه اللي ماتعضه مايزيد يفوتها
واليا قوى عظمه ينوشها شوي من الضروس = واليا ابركت ينسى معاريف الزمن ويشوتها
والزير سالم كل مايسمع سواليف البسوس=يضحك على غواصة الغبه تصدق حوتها
والدله اللي هيلها مضبوط والبن امحموس = قدمتها لاهل العقول اللي كبار بخوتها
واللي تمره هكذا يركب مع اصحاب الجموس= اللي على ريع الندامه حافيات اسبوتها[/poem]