شيوخ عيال شيوخ من ربعي العتبان

الأخوه مشرفي واعضاء وزوار منتدى المرقاب
كل عام وانتم بخير
اهديكم هذه الأبيات المتواضعه يا اساتذة الشعر

وهي موجهة لكلاً من الشيخ/بدر بن جدي بن زريبه ,

والشيخ/ ماجد بن علوش بن ربيعان



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا ياهجوس الشعر للشعر وقت وحان = ابي لي ذهب صافي مابي لي ذهب مغشوش
علشان لاوزنت بها يرجح الميزان = مايفرح بها الحاسد ولاتضحك المربوش
عساها تجملني مع الشيخ أبو سلطان = وعساها تجملني مع الشيخ أبن علوش
شيوخٍ مشيختهم قبل صحوة الأخوان = وعلى صفحة الأمجاد تاريخهم منقوش
تراكو على شداد المراجل بطول أيمان = وخذوا من سنام المجد ماعرمشوا معروش
خذوا نعم يوم أنه بسيف وقنا وعنان = ماجاهم بحبة خشم وإلا بدفع قروش
مادام الحمول يشيلها شعيل وبليهان = أبا انصا الرجال اللي لهم يفرح المدغوش
أنا لي ثمان شهور من خبركم للآن = وأنا كل يوم يفور دمي قهر ويغوش
على الملام ليا تعزويت بالجبان = رخوم ٍلصيحات العزاوي تقول طروش
وأنا ما اسند الدعوى على فلان وأي فلان = علشان مايرجع صداها على البلوش
أبا انصى شيوخٍ صيتهم للوفا عنوان = شيوخٍ طريق بيوتهم بالسخاءمفروش
شيوخٍ عيال شيوخ من ربعي العتبان = أبا رمي عقالي بينهم والحرار تشوش
يحل ونها قدام واحد من الميزان = قبل لا تخلينا الليالي طعام جحوش[/poem]