نافذة عبره ....

السلام عليكم ورحمة الله وبركاته

اسعد الله جميع أوقاتكم
وعيد الله عليكم مبارك

مرّروا هذه المتواضعه بدون تدقيق



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الوقت يرسل على قلب العنا سبره = ما فيه ريع ٍ يفـّج القلب ما واقه
والهم باعه طويل و وافي ٍ شبره = والضيق زود الهموم تزوده لياقه
يدْبك بصدري وانا ماني على خبره = ما عاد اداني من البارح تسرّاقه
صدر الشمالي على ما شلت يا صبره = يشد شامه جنوب ويجنب اعراقه
يا كبري وضيق بالي ( يخ ) يا كبره = ويا صغر سن ٍ ضحك والضيق ما عاقه
تخنقني الناس ما تخنقني العبره = يقطعك يا عبرة ٍ للرجْل خنـّاقه
من واقع الهم .. والغربال .. والخبره = اللي تهابه على وضح النقا لاقه
قدّام يلـْج الجمل في سمّة الإبره = وتروح مع ساقته ناقه ورى ناقه
يرجع صدى الصوت نفس الصوت والنبره = مثل ما ترجع مساع العبد لـ . اوفاقه
وان كان تبغا رفيق الجنب تختبره = أنصه على فاقته .. وأنته على فاقه
ما بان فرق الظهور الملس والوبره = اللا نهار ٍ يعيّفنا تصفـّاقه
كم من رفيق ٍ من أول كنت معتبره = واليوم شان الزمان وشانت أخلاقه
عرّضني اللي جميلي مغرقه ( صبره ) = يبغا فراقي وأنا اولى منه بفراقه
من لا رسم ضحكتي ما ابكي على قبره = لو يكفل ان مت سقي القبر وإغراقه
والله ما أندب عليه احظوظي الثبره = جعله فدا من يعشق الخوّه اعشاقه
يا قل عد السنع لا زادت الدبره = ويا كثر حمل المتون ان قلّت الطاقه
نقل القلم ما يفيد اليا نشف حبره = أفود منه لو نقلت الحبر فـ . اوراقه
باب النصيحه تفـكّه نافذة عبره = وانا مشاويري ( امن الباب للطاقه )[/poem]

وسلامتكم