لو انه لا تعبنا للموارد نارد ونشرب>>>>>؟

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الله كلها ماعاد لا مخرج ولا مهرب= وانا في حاجتي مافادني مشيي ودرهامي
على الله والصحيح يصح مابه شي مستغرب= ولا تطوى جميع الصحف لين تجف الاقلامي
لو انه لا تعبنا للموارد نارد ونشرب= لقيت الناس كلٍ مرتوي مابينها ظامي
مدام ان الزمان اجرب فـ اكيد ان المكان اجرب= وهذي بصمة ابهامي ,, وهذي عظة ابهامي
دهاك الله ياهمٍ علي تشرق ولا تغرب= شعاعك ليلٍ اسود والخطر خلفي وقدامي
وخط السير طول والهدف يبعد ولا يقرب=طبيعي ماتعبت وشرهة الطرقه على اقدامي
يقولون الرجال اقرب مثل يقرب من العقرب= واقول مساعد الرامي لايامن رمية الرامي
ويقولون اسند الدعوى وانا اقول السند يارب=رضاك يسدني ياخالقي ويحقق احلامي[/poem]