أنا بالمختصر...!!

[align=center]السلام عليكم ورحمة الله وبركاته

طال غيابي عن هذا القسم المميز

وأنا هنا .. لأصلاح ما أفسده الغياب

تقبولها .. رغم خجلها


.


.


.


.





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قلت شبّهني .. وأنا بالمختصر = أرض قفرا ..تحضن أغصان الهشيم
لي شهر ..لا غيم ..لا طاري مطر = الف مره كذبة البدوان .. غيم
في وهم عاشو .. وضاقو بالقفر = لين صارو ما يخافون الجحيم
أيه .. صاير لا معاني لا صور = بس فيك الشعر لو يبخل .. كريم
تدري وش يشبهك ؟ يشبهك الزهر = لا تدلّع بالتمايل .. للنسيم
يا عطر .. لا ذاب بك ريح العطر = أتسائل كيف في نفسه يهيم
وأن حكيت أسكت .. وأناظر وأفتخر = في كلامك .. كل مايل مستقيم
عاتقك .. خدك .. عيونك .. والنحر = لوحة ٍ تبقى ورا الليل البهيم
يالدلال الباسم النابع طهر = يالصعيب السهل .. والجهل الحكيم
من عرفتك صرت من بد البشر = عندي الأول والأخر والمقيم
كنت ناسي ضحكتي بيد الكدر = وصرت ناسي .. دمعتي وأنا يتيم
كنت ميّت بس ماني في قبر = وصرت حي .. برحمة الله الرحيم
قبل أعرفك كنت عايش في قهر = بين هم الوقت وطعون الغريم
كان حلمي درب وأيامي سفر = كان قلبي شعب .. والهم الزعيم
كانت البسمه حزينه بالفقر = بس كانت أنتصاري ..للحشيم
للحشيم اللي بنى فيني قصر = من مبادئ ..من تعب جد ٍ قديم
كانت أماله (حكم أرض الدرر) = وأنحكم في قبضة الحزن الأليم
كان ماعندي سوى .. بنت الفكر = باكيه .. تشحذ من أيامي نعيم
شوفني .. عندك حكايات وعبر = رغم عنف الوقت .. قدامك سليم
صارلي وياك فتره .. وأنتظر = بس المح داخل الصمت الظليم
قلت لك / ماعيش من دونك شهر = قلتها من باب أفهم يا فهيم
قلت لك / لحظة غيابك ما تمر = رد قول أي شي .. لا صمتك يضيم
ليه ساكت؟ وش على بالك خطر؟ = لا تناظرني كذا .. ماني وسيم
أممم .. صرت أرتاح لك بد البشر = أنت ما تفهم؟ .. أحبك يا غشيم[/poem]










تحيتي ومحبتي ..[/align]