الله اكبر

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله اكبر ميلت روس الجبابر والصغار=الله اكبر والله اكبر وين فرعون العظيم
الله اكبر ينصر الله كل مسلم والكبار=يخضعون بعزة الله واسالو موسى الكليم
الله اكبر وين عاد اللي عثوا وسط النهار=الله اكبر ياثمود العز ماوالله يقيم
الله اكبر قوم صالح كلهم راحو دمار=الله اكبر قوم لوط استوحشو وسط النعيم
الله اكبر قوم نوح اللي اضحكو بارضن قفار=الله اكبر كيف يصنع له سفينه في هشيم
الله اكبر اغرق الله ارضهم والحق صار=الله اكبر ياعزيزن والله اكبر ياعليم
الله اكبر يامحمد اخرجوك من الديار=الله اكبر يارسول الله يالصدر الحليم
الله اكبر جاك ميكائيل وانته في حصار=الله اكبر كان تبغا نطبق الطود القديم
الله اكبر يارسول الله ياخير الجوار=الله اكبر جعل ربي يمحق العقل السقيم
الله اكبر يافداك امي وابوي وكل دار=وكل ماتملك يدي الله واكبر يارحيم
ياعرب يامسلمين الي رحل عنها الوقار=لامتي نرضا المذله وانتودد للخصيم
وين صولات المراجل ياطويلين العمار=ياسلايل يعربيٍ مارضى للنفس ضيم
ياعرب مدري جرب ماكن في يديكم قرار=مايهز نفوسكم منظر فلسطين الاليم
مايهز اقلوبكم بنتٍ توارت للفرار=والحقوها وسجنوها اه يذاك الجحيم
ولايهز ابدانكم حرق المصاحف ياحرار=ولاتعطف اقلوبكم للعجز والطفل اليتيم
مايبون الناس مال النار قابلها بنار=ولايبون اخصمانا كلمه توقع فالصميم
ياليهودي بيننا يومن مردك فيه عار=لين ماتلقي لعينن تزبنه والا حميم
لارجعنا للكتاب ولارجعنا للمسار=ولارجعنا ياجماعه للطريق المستقيم
االله اكبر واصبرو يامسلمين الوقت دار=والله اكبر يالهي ياعزيزن ياعظيم
الله اكبر والله اكبر كل شيٍ له مدار=والله اكبر ياغفور اطلبك جنات النعيم[/poem]