ذبحـك حـلال ‍؟

[align=center]يا رهيف الحس يا عذب الخصال
المحبّـه لـد عينـك يمّـهـا

منت ناقـص ميـر لله الكمـال
فيك حاجه مـا قـدرت تتمّهـا

تنفعل وأنا مـا أحـب الإنفعـال
وتلبس الضيقه وتنفض كمّهـا

لا تقول المسك من دم الغـزال
وأغلب الغزلان ما أثقل دمّها ‍؟

معتقلني يا هوى البال إعتقـال
شب نـارك والمياسـم حمّهـا

رز خشمك وأزعل وروح وتعال
والهبوب اللـي تمـرّك شمّهـا

مير جاوبني على قـد السـوال
ليـه تنثـر حيرتـي وتلمّهـا

أن ذبحتك بالغلا ذبحـك حـلال
وان تركتك كل نفـس وهمّهـا

سقت لك كل الجوارح بالعـدال
وأنت ابوها عقب جاتك سمّهـا

وصورتك لا جابها وحي الخيال
عيني أخطتهـا وقلبـي خمّهـا

لا تخليني معك مضـرب مثـال
أدعس الحيـه تمـوت بسمّهـا

خذ نصيحه تنفعك في كل حـال
كان لك قلـب ٍ كبيـر يضمّهـا

أعتقد ما يجهلك فرق الرجـال
ولا يغرّك مدحهـا مـن ذمّهـا

أنتبه تعطي لخلـق الله مجـال
شرهتي مابين أبوهـا وأمّهـا





ياسلأم

[mark=FFFFFF]
المبدع \\ سدّاح[/mark]


صح لسانك على هالرائعه .. ولاهنت


دمتـ للشعر[/align]