((( لو كنت سداح )))

،،
،،

اهداء متواضع بعد انقطاع وهذه القصيده مطلوبه امنيا في منتدى المرقاب ،،،
،،

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماقلت لك قبل امس قبل الوداعي = قبل العباير ماتبل المناديل
إني عرفت اقول حسن إنطباعي = وأنشر شعوري عنك في ظلمة الليل
وعلمت نفسي كيف اجي بندفاعي = واشعل شموع الحب وسط القناديل
أشتاق لك والبعد يلوي ذراعي = ويصبح شهيقي مع زفيري مواويل
وجيتك بعد ماساطي البعد لاعي = أفرش غلاي لخطوتي للمواصيل
في وقت حبك زاهر الخير طاعي = وصارت حياتي بالرخاء تعدل الميل
عشتك منام آمن ولو كنت واعي = وشفتك على الحاسد كما طير أبابيل
لكن غيرك الزمان الخداعي = وصرتي سحابه مقفيه بالهماليل
وحلم الوفاء في واقعي منك ضاعي = واصبح سرابٍ بالضلوع المناحيل
والحين رغم انك بعيدة مساعي = وياخذك صد الكبر يامركب الخيل
والشوق ضامي و المشاعر جياعي = في وسط صدري وبالحشاء يطفح الكيل
ودي اقول التجربه ماتذاعي = تحت الفشل تبقى بليا تفاصيل
الله وكيلي بعد حان إنقطاعي = اقولها والحق سد الاقاويل
ولو كنت انا (سداح) بالبدع ساعي = جتك القوافي كالسياط المفاتيل
لكني البراق عند ابتداعي = اجمع شتات الفكر واحط واشيل
ولولا القضاء حطيت قلبٍ صناعي = مايعرف الا خالق الجدي وسهيل
صحيح حبيتك بكل إقتناعي = وطرد المقفي ذل عند الحلاحيل
ياحزة الخلان فلي شراعي = في ساحل الغربه وبحر الغرابيل
قبل الغروب اللي يهاجم شعاعي = وقبل أنغمس بالهم والحزن والويل
ودي اهاجر مع خصال الشجاعي = العزم والهمه وبالصبر والحيل
واحيا وراسي مانزل عند قاعي = واقتل بخنجر عزتي هاجس الليل[/poem]
،، ،، ،، ،،

مع تحيات /// عبدالرحمن مجاهد البراق