زفـــرات الحــنــيــن

الاحبة هنا

السلام عليكم ورحمة الله وبركاته
لدي مالدي فاقبلوه ،،،،عله يرتقي لذوقكم الرفيع

[poem=font="simplified arabic,5,blue,bold,normal" bkcolor="transparent" bkimage="backgrounds/43.gif" border="groove,4,firebrick" type=2 line=0 align=center use=ex num="0,black""]
الغياب اشتد وقعه على القلب الحزين=
=مالعب بالقلب غير المها وغيابها
اتركتني للمآسي وزفرات الحنين=
=تلعب الغفلة بقلب المها وأهدابها
الوضع مزري ومذموم والواقع مهين=
=والزمان اللي خذا المترفة ماجابها
اتركت لي هم ثاير وجرح ودمعتين=
=وباقي اغراض ٍ نستها وبعض ثيابها
غادرت والقلب بالكف مملوك ٍ رهين=
=يستلذ كفوف محبوبته واخضابها
ماعطتني غير دمعة جثت بالوجنتين=
=دمعة ٍ بموت منها وارد أحيى بها
دمعة ٍ يدرك مفاهيمها قلب ٍ فطين=
=والغبي لاشاف دمع المحاجر عابها
دمرت في مستهل الموادع وردتين=
=يانعات ٍ ماشكن دنيته واتعابها
يوم غابت عن عيوني غدا ضلعي طحين=
=منه نفسي ماتمادت تلم اعصابها
لين عدوني هلي من حساب المفرطين=
=يوم شافوني من الشوق اراقب بابها
الله انه لايوفق عداة ٍ مغرضين=
=ماذبحني غير ربع المها واقرابها
مالنا الا الصبر والله يعين الصابرين=
=يمكن أتعود بعد حين ثم احضى بها

[/poem]