أبشروا بالحلّ !!

السلام عليكم ،


كل الصحف المحلية هذه الايام تتكلم عن استجواب رئيس مجلس الوزراء
بويتات على الطاير عن ما قرأت :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ما يحفزّني على بدع القصيده=غير هجس ٍ يعزف بصدري لحونه

أن ومرته .. جاب لي نغمه جديده=وأن نهرته .. ما لي ولا له مهونه

الشّعر له فنّ والشاعر يجيده=قالها اللي يعرف الشعر وفنونه

واللسان حصان وحباله جويده=ولو يمدّ الشوف قمت أكحل عيونه

شايل ٍ في خاطري جمله مفيده=تختلط فيها القساوه والليونه !

دارنا لا جاب عيده .. عاد عيده=يا عساه بخير مدري ويش لونه

ما نكابر في المواثيق الوكيده=عقب عشنا من وراه .. نموت دونه

ولا نقص منّا الولاء حتى نزيده=سلّط الله فوق ناس ٍ يجحدونه

الولد مطنوخ والشايب وليده=كلّنا نمشي على نفس النمونه

زادت أخباره على صدر الجريده=كل بادي شمس علم ٍ يذكرونه

سلطة التنفيذ نشبت في وريده=وسلطة التشريع زادت من غبونه

بين الأورام الخبيثه والحميده=أفطنوا للقلب لا تستأصلونه !

مجلس الأمّه لقى فرصه سعيده=وأنطلق بالفرصه يسددّ ديونه

راحوا النوّاب مع طقّ الحديده=كل نايب ينقز وينفض متونه

أزهموا ريّس حكومتنا الرشيده=وان حضر .. من حقّهم يستجوبونه

المنصّه جاهزه للي تصيده=ومن تعلا ّ فوقها يعرف زبونه

التجاوز في المشاريع العديده=جرّت الصفقات بحبال المعونه

بين عقد ( الداو ) والبنك ورصيده=تفتحون الباب وألاّ تقفلونه

عقب راحت بينكم مثل الوقيده=تهتفون مع النظام وتكسرونه

الحقايق ما بقى منها شريده = من يعوض الشعب لا ضاعت ظنونه

والمصالح بين هارون وزبيده=حدّها ما ينقرب لا تقربونه

حرمة الدستور في عيشه رغيده=يسلم الدستور والحرمه مصونه

لو نشرّع بيننا حكم العقيده=راحت الدقن المحنّاه محسونه

مشكله وحلولها ماهي بعيده=أبشروا بالحلّ يا اللي تحترونه ![/poem]



وسلمتوا ،،