لا هنت يا راسي !

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاهنت يا راسي ولا هنت ياقلب = يبقا مقامك عاليٍ في عيوني

ان اعتذرت الطيب دلاّني الدرب = وان ابتعدت العز لا مايهوني

يومك اخذت المسأله مسألة حرب = انا الوفا والطيب كم علموني

ان السماحه خير من كذبٍ وسب = وآخير من شرٍ تقفاه دوني

وشلون وجه الصدق ايشوهه كذب = كذّبت كلي صدق من صارحوني

كنت أحسب إنك غير عن باقي السرب = واثرك شبيه السرب شكلٍ ولوني

لا واحسايف طاري الحب ياحب = ضيّعت قدرك بين زحمة شجوني

حصــّلت باسم الحب ناس ٍ تبي لعب = إحساسهم بالحب شك وظنوني

مرضا النوايا مالهم بالزمن طب = يبقون مرضا لين ما يدفنوني

ومادام نور الحق ما يحجبه ذنب = ماهمني لو انهم عذربوني

انا انكسر؟؟ هذا على مثلهم صعب = أنا على متن السحابه لحوني

وانا اذا أخطيت استغفر الرب = رحْمته غطّت كل أرضي وكوني[/poem]