الحزن الرقيق

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ما يحد الرجل ويبين خفاه = كود هم الفقر والحزن الرقيق
الفقر سيفه مثل سيف الذكاه=ولا يسل إلا على الوجه الطليق
يذبح اللي في الزمن يذكر نباه=وكلمت ونعمٍ على ذكره تليق
والردي لو عاش في قصر الغناه=مابنى بالطايله مجدٍ عريق
لا غدى تحت الثرى محدٍ بكاه=ما بكاه إلا ولد عم وشقيق
ضعت في دنيا العنا والفكر تاه=يوم صار الحزن في قلبي يويق
والحزن لا واق يحذف له حصاه=والحصاه ان وقعت ترجع حريق
والحريق ان شب ما يطفي سناه=كود وقتٍ بالشقا ساق الوسيق
وشايب الوسواس ما جود عصاه=عاد عظمه في وسط قلبي رقيق
في مجال الحلم صادمت الطغاه=وقمت اعديهم على قمة طويق
وفي مجال الصدق حصلت الحياه=فوق راسي مثل طحانة دقيق
اثر وجه الوقت ما يحمي قفاه=واثركذب الناس ما يحيي غريق
يوم شفت الحر في جنب القطاه=قام كبر الكون في عيني يضيق
واقتنعت ان الزمن قاصي مداه=يجعل القرناس يجذب بالنعيق
واستلمت الصك من حكم القضاه=فيه حكمن يجعل النايم يفيق
يوم شفته واتضح لي محتواه=قلت هذا الصك منهاجه عتيق
ادري ان الذيب لو يكتم عواه=ما يحصّله على الدنيا صديق
وادري ان الموت ما منه نجاه=لوتصير الارض تربتها عقيق
وادري ان الرجل ما يبحث خفاه=كود هم الفقر والحزن الرقيق[/poem]