هربت مع عالم خيالي ونا القاك!

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ما احدن قدر يستوطن القلب غيـرك=وما احدن قدريستعبده غيـر ذكـراك
في واقعي عانق مصيـري مصيـرك=وهربت في عالم خيالي ونـا القـاك
شفني ونا الي في فـؤادك خشيـرك=بكذب عليك ان قلت لك ما اقدر انساك
لوني غريقن بالهوى وسـط بيـرك=تقتلنـي العـزه ونـا مـا اترجـاك
حتى لو اني جيـت لـك وستشيـرك=وسألك من باب العتب عن سوايـاك
لا تفهم اني مـن غـلاك استجيـرك=ولا بموت ورحمتـي تحـت يمنـاك
ابسألـك كانـك تحـكـم ضمـيـرك=هو فيه غيري مثل ما اعطيتك اعطاك
ان كان غيري شـم نفحـة عبيـرك=ما هوب مثلـي واعتـرف وتحـداك
كانه سمـع بيـن المحانـي زفيـرك=او حس في همس الحنيـن بشفايـاك
او قال فيمـا تشتهـي هـد طيـرك=ولا كتبـك مـع القصيـده وغنـاك
بها السهوله صرت تنسى عشيـرك=وتزيد في عالـم صـدودك وجفـواك
يعني عشاني بالهوى صرت اسيـرك=تخطي وتزعلنـي واجـي وترضـاك
ولا عشانـك بالنـواظـر وديــرك=واليا طلبت الي تبي قلت لـك جـاك
عايشت شرك قبل لا اشوف خيـرك=وعرفت فيك اشياء من الفك الي ياك
عرفت بردك قبل لا اعرف هجيـرك=وعرفت دمعك قبـل ضحكـة ثنايـاك
لمعة سرابك قبـل صافـي غديـرك=خلتني اجوعك مـن البعـد وضمـاك
بذكـرك بيـام مـا كنـت امـيـرك=من شان لا قفيـت تعـرف خطايـاك
يوم الهوى عـذري وكلـش يثيـرك=قلي وش الي في حشا الصدر بكـاك
نسيت دمعـك يـوم جـرح نظيـرك=تبكي على فرقـاي وابكـي لفرقـاك
شفت الزمن وش لون غير مسيـرك=صـرت الغريـب بدنيـك وتمـنـاك
لكن مع الايـام لـو شفـت غيـرك=اجيه لـو يستوطـن القلـب ذكـراك
حتى مصيري لـو يعانـق مصيـرك=ما ودي اهرب مع خيالي ونا القـاك
[/poem]