المراكب...

[align=center]مساء الخير..

مشاركة للتواصل مع الأحبه..

هنا في المرقاب[/align]

[align=center]..[/align]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يشيل البحر سفنه والمراكب=ولو ترمي حجر يعجز يشيله
وشيخّ بأمره يمشّي مواكب=وهو يمشي ب/امر خاطر خليله
وأنا بطموحي زاحمت الكواكب=ولكن حظي أرخصني قليله
أطوف الأرض في شتى المناكب=طموحي ذنب والمجد الفضيله
أدور عز لشموخي يواكب=وعيّا الله لو بيد حيله
ولكني على الأهوال راكب=ركوب البحر بالفلك الثقيله
فهمت الصبر بصدور العناكب=وهي تنسج وتؤمن بالحصيله
متى ماجتني همومي كباكب=عرفت إن الفرج قرب هميله
مصير الغيب مثل الغيم ساكب=ياقلب وتصبح القفرا خميله
عرفت الله رخا قبل النواكب=وأعرف السيل لا ابطى جاب حيله
أبد ماغير يأس النفس ناكب=ومن آمن بربه له وسيله
تجيه حظوظه صفوفّ هواكب=وهو من بينهم يبدع جزيله
وكل ماكان من حزن متراكب=كفوف السعد لا اجتمعت تزيله
مراكب يابحر حلمي مراكب=اغني الدان والرحله طويله
تعب كتفي يزاحم هالكواكب=وأقدامي على جروفٍ مهيله[/poem]