قصيده في قبيلة سبيع

[poem=font="Simplified Arabic,4,white,bold,normal" bkcolor="transparent" bkimage="backgrounds/37.gif" border="none,4,gray" type=2 line=0 align=center use=ex num="0,black"]
هذه قصيده كتبتها قبيله سبيع وقد طلب مني أحد الاصدقاء نشرها في موقع المرقاب الادبي=
=

يا محمد بن جديع يالحر الاشقر=ياصامل الفزعات في كل حاله
حان الوعد والهجس ورد وصدر=وحنا ندور للوفا والجماله
روّح على اللي لاأونس البنص صفّر=جيبٍ جديد من حفيز الوكاله
نبغى هل الوديان العرق الاحمر=نبغى سبيع أهل الكرم والشكاله
من طيبهم شعري بصدري تزفّر=ودامه تزفّر قلت هذا مجاله
سلام تسليمٍ نزيهٍ مقدّر=على عموم سبيع يضفي ظلاله
عداد من سبّح وهلّل وكبّر=سبحان وجهك ياعزيز الجلاله
وعداد من صلى ومن صام وأفطر=وعداد ماهل المطر من خياله
ياأهل الصفات اللي بها سبيع تفخر=ياأهل الصخا وأهل النقا والجزاله
تاريخكم من ماضي الوقت يذكر=لاجا الصباح اللي عبوسٍ قباله
وتشابكن الخيل والجو غبّر =وعند العشيار صار ظلم وعداله
يجيك بعلوم الوقيعه مخبّر=واللي تحدّاهم تقصر حباله
غلبا غلايبها على ضدها أكثر=فيهم على كز المجوخ بساله
رجّالهم فالضيق كالنمر الانمر=ومعنّزٍ مابين عمه وخاله
كم سال فالوديان من دمٍ أحمر=وفالعرق كم جمعٍ سعوا في نكاله
بمسلبات كسرها مايجبّر=كم شيخ قومٍ من سببها عطاله
واليوم يوم الامن خيّم وعسكر=يفرحبهم من شح مرزق عياله
من شاف منهم ظيف كنه مبشّر=حط الوفا والمرجله راس ماله
وقصيرهم لايمكن أنه يكدّر=في ظلهم مايطري الهم باله
ونعم بكم ياسبيع في كل محظر=أنتم بنوك الطيب وأنتم جباله
من طيبكم شاركت باللي تيسّر=باسمي وبن عمي عطاني وكاله
أشارك الغلبا بقاف معبّر=عن الدواسر جمل الله حاله[/poem]