ياهاجسي

[align=center]اليكم بعد السلام عليكم هذه الابيات وهي قليل من كثير يجتال في الخاطر لحب هذا البلد المعطى عسى ان تجد شي من الاستحسان[/align]

[poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهاجسي جت حزة الازم تسمـع وش تجيـب=كـرس جهـودك كلبوهـا والثمينـه هاتهـا
ان كانهافالجو حلق في فضا الكـون الرحيـب=وان كانها وسط البحور إقـدم علـى غباتهـا
اتعب على شان الهنوف الي ماتعرض للخطيب=لين القصيـده فـي محاسنهـا تتـم ابياتهـا
غيداً ملكني حبهـا مامثلهـا عنـدي حبيـب=اسوق مالي والولد والحـال فـي مرضاتهـا
وان قلت منهي قلت لك مهيب في حاجة للبيب=هذيك هي المملكـه عاشـت بظـل إحماتهـا
دارً على نهج الشريعه حكمهـا مافيـه ريـب=الله بخيره عمهـا واسخـت عطـا خيراتهـا
من فضل ربي كل غصنً فالسعوديـه رطيـب=الله يديـم الامـن ويسلـم لـنـا قاداتـهـا
في شور ابومتعب صليب الراي ونحاز الحريب=حاكـم محنـك والرعيـة ماجهـل برعاتهـا
ودون الوطن يارد على حياض المنايا مايهيب=يضـد حيـلات الـدول ماضدتـه حيلاتـهـا
يالله عسى شمس ابومتعب عن سمانا ماتغيب=ويسّلم عضيـده لاالنوايـب محتمـل شداتهـا
ولي عهده محزمه بالعزم والـراي المصيـب=رجـل الدفـاع وللكتايـب مـمـنً قواتـهـا
سلطان جعل الله يرده للوطـن سالـم قريـب=اميـن يامشفـى النفـوس وفـارجً كرباتهـا
من شاعرً مشاعره تنـدا وفـا ماهوغريـب=ارواح كل الشعب شوف ابو الجميـع إمناتهـا
ولدعوة الشعب الوفي لعـل ربـي يستجيـب=ويرسم على كـل الوجيـه بعودتـه فرحاتهـا
وفي غيبته رجل المهمه عن مهماتـه ينيـب=النايب الثاني كعـام اهـل الفتـن وإدعاتهـا
نايف وزير الداخليه عوق كل امـراً عصيـب=هوثالث ازحـول الرجـال اثقاتهـا وادهاتهـا
حكامنـا هـم فخرنـا وحنالهـم درعً صليـب=ومعهـم ولانـا للوطـن ماتلحقـه شكاتـهـا
عهد الولا موروثنـا عليـه نشـب ونشيـب=ماننقضه واهـل الشيـم ماضيعـت شيماتهـا[/poem]
[align=center]
وسلامة الجميع[/align]