توجــدي الاّول

سلام عليكم


هو توجدي الاول .. هل يكون الاخير؟ الله اعلم

:

:


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياوجودي وجد من داج الوسيعه= من بلاد الى بلاد الى بلادي
غصب ماهو سايح يدوّر طبيعه= ولاانشغل باهل المراقص والنوادي
ضايع ٍن له واحدن قصة مضيعه= تذهل اقراب الاوادم والبعادي
ضاع منه اغلى عياله والفجيعه= جاته وهو بأول ايام العيادي
زوجته ماتت عقب طاحت وجيعه=وزوج بنته نذل وامن اردى العبادي
ان تركها كل يوم وهي صريعه= وان بغاها منه زود بالعنادي
وابتلش في حالة البنت الرضيعه= كيف يرعاها وهي وسط المهادي
وحطها بالملجأ بنفس ن مطيعه= يوم قام من الزمن يحديه حادي
وراح سدآ للهموم وللذريعه= من مدينه في خلا في بطن وادي
قال ابي فيه العوض ولا القطيعه= ماني مخليه لو مازال غادي
كل ماايّس منه نفسه ماتطيعه= ولااغمضت عينه ظهر له بالرقادي
وقام من كابوس الاضغاث المريعه= وراح تالي الليل يامحمد ينادي
يامحمد عقبك الدنيا فظيعه= راحت امك واختك وطوّل سهادي
يلتفت واجد وخطواته سريعه= منكسر من حالته ماهو بهادي
باع بيته واللذي حده يبيعه= كثرة اسفاره تبي مال وسدادي
ولابقى درب ن ٍ وعر ماذب ريعه= ولالقا من جاوبه حضر وبوادي
عشرة اعوام ن ٍ وهو هذا صنيعه= مااستراح ومن جهامن ٍ في هجادي
كل ليله ينتظر بكره..تبيعه = ينتظر بمحمد يبشر منادي
لين جاه العلم من ناس ٍن تشيعه = قالوا انه جا عقب طول البعادي
ميت بتابوت والنفس الوديعه= تحمل اشواق وطموحات ومبادي
مثل وجد ابوه وجدي مااستطيعه= من هنوف ٍ قدرها ماهو بعادي
بعدها موجع وغيبتها شنيعه= هي جفاها غصب عنها او تمادي
هي لياغنيت قيفاني سميعه؟= او ثنتها عني ظروف ن شدادي
عقبها ضاقت بي الارض الوسيعه= وينها لابو المفارق والعنادي[/poem]