عربات ليست كـ (( العربات )) .. !!

عربات ليست كـ (( العربات )) .. !!

أسقاط حال بعض العربات ..
كـ (( طبائع )) بشرية ..
أتمنى أن تلقى القبول لديكم :

التريللا :

متخصص بشيل الحمول الثقال ..
اللي يعجز غيره عن حملها .. ومايحب (( اللف والدوران )) ..
يعني يمشي سيده .. في تعامله .. !!
قوي وشرس وكل من يتمشكل معه ياكلها (( مفلفلة )) لأنه متعافي ..
كريم ولايرضى بتقديم (( الهزيل )) .. دايم نفعته كبيرة ..
لذلك كل من يعرفه يقول له : جعله يسلم .. (( راسه )) .. !!


الليموزين :

مصلحجي ولايستحي أن يعترف بـ (( المصلحجية )) ..
يحب اللف والدوران .. ومشاكله واجد ..
يمر من حولك ولاتلتفت له ..
الا أذا احتجت له .. وأذا احتجت له لازم تدفع له قبل ينفعك ..
لأنه مؤمن بقاعدة (( مايخدم .. بخيل )) ..
لذلك دايم نقول له : الله لايحدنا عليكـ ..
يا هالكائن (( اللي .. مو .. زين )) .. !!


الباص :

(( دب )) .. وطيب القلب ..
وياكثر ماشال هموم الناس ..
أحساسه مرهف .. ويبين في (( هدوء )) حركته ..
ولأن حركة ثقيلة نوعاً ما فهو يكره (( الدوجة )) في الحواري ..
ودائم يتحرش به (( الليموزين )) .. ولاندري ليه .. !!
لكنه يطنشه رغم أنه يقدر (( ياطأ على رقبته )) .. !!


الشيول :

شغله الشاغل نقل (( الكلام )) ..
وأحياناً من كثر ماينقل البلاوي يجيبها على راسه ..
ينام بدري .. ومايحب السهر .. وياكثر ماقالوا عنه : نوم الظالم عبادة .. !!
عمله في النهار فقط .. ولاعنده (( شفت )) مسائي ..
أفكارة هدّامة .. ثقيل طينه وثقيل حركة ..
مايعزم في المناسبات لانه في النهار يشتغل وفالليل نايم .. !!


القلابي :

مايحب اللف والدوران كثير ..
يشيل مشاكل غيره على ظهره ..
خصوصاً اللي يورطه فيها ولد خالة (( الشيول )) ..
مزاجة (( متقلب )) بسبب تغير وتجدد الهموم اللي يشيلها ..
لذا مايتخلص منها الا برميها (( مقلوبة )) عشان يرتاح ..
وأحياناً عشان يدفن بلاوي ولد خاله المؤذي .. !!


الونيت :

راسه (( فاضي )) يالله يشيل موضوعين مع بعض في راسه ..
فوضوي و(( لونه )) واحد .. يكره التلون .. حبيب وراعي نكته ..
مسمينه (( البدوي )) لأنه يحب يطلع للبر كثير ..
ميزته أنه في بيتهم شايل مقاظي البيت ومشاكله على ظهره ..
بس مايحطها في راسه .. وهذا سر من أسرار سعادته .. !!

الدنه :

طيب و(( أفنس )) ..
قريب من طبائع وشكل الونيت لكن خشمه أقصر ..
ومرونته أخف .. مايقول نكت كثير .. وحركة بطئية نوعاً ما .. وحياوي ..
عشان كذا لايمكن يتغطرس والا يرفع خشمه ..
يقوم بأغلب الشغلات اللي يقوم بها (( الونيت )) ..
لكن دوره ينتهي برا البيت ..
يعني بدري عليه يتهور ويجيب مقاضي البيت مثل الونيت .. !!