يـامغيّــــرة المفــــاهيــم

تحيه طيبه للجميع
ابيات متواضعه للتواصــل فقط
اتمنى ان تنال لو القليل من الرضى

‘‘ ‘‘ ‘‘ ‘‘



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لأظلمت سود الليالي على زرق البحور=ماحسبت حسـاب ليلـى ولامجنونهـا
أحسب احساب الهبايب مضيّقة الصدور=والطروق اللي تغث الكبـود لحونهـا
خايف انها تثني الغصن واتطير الطيور=واتورّط في هقاوي العـرب وظنونهـا
والعواذل من بغوا منه ماهو بمعـذور=مايبونه مـن وراهـا ولامـن دونهـا
يامغيّرة المفاهيم فـي بعـض الامـور=ودّكـم ترضونهـا والاّ ماترضونهـا
قبل لايحرجكم الوقت والدنيـا تـدور=لاتـحـدّون المخالـيـق وتردّونـهـا
من قراله كلمة غامضه بين السطـور=لد عينه مـع خبـول ٍ تلـد عيونهـا
والاّ حنّا ماخبرنا حصل منّـا قصـور=اسمعوهـا واتركوهـا علـى يكونهـا
لاتحسبون الدقايق وتنسـون الشهـور=وان بقى للوقت قيمـه فـلا تنسونهـا
ولاتثيرون المشاعر بتجريح الشعـور=وتكبر الدعوى عليكم وهـي ياهونهـا
والنهايه كان تبغون من الاشوار شـور=الجمايـل قدّموهـا لاجـل تلقونـهـا




[/poem]
‘‘ ‘‘ ‘‘
وســــلامتكم