اليوتيوب .!!

السلام عليكم

من باب التواصل ..أمل ان تنال على ذائقتكم الكريمه






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياكثر الدروب اللي بعيني ماهي بدروب = على كثرها ماني بمعها ووياها

لو انها من ازفلت ومراصيفها من طوب = ياكم طرقةٍ امرّها واتعداها

ماني بعشق دروبٍ عليها العباد اعزوب = سياييرها تدرج .. وتربع مطاياها

ليا صرت ماخلق لي مسار أتجاه وصوب = واخالف مسير البوصله واتحداها

اريّح ملايكتي .. ومن كل شيّ اتوب = وأعوّد على وش تكتب الناس واقراها

لكنّ للمسامع ذوق وللمرتقين اسلوب = وللبدع مملكةٍ ماتسبى رعاياها

تبيها على المنكوس والا على المسحوب = اهم شيّ ترقى فالمسامع وترقاها

ياحلو القصيد الليّ عذوبته فيه اتذوب = مافي نفس مشحونه مايبحث خفاياها

يصوّر لك الواقع خيال وخياله نوب = يعيشّك فيّ جوّ القصيده ومعناها

وانا من كثر مانيّ بحبّه جمعت اقلوب = من أصحاب وأشخاصٍ ماني بعرف أسماها

ابادلهم التقدير فالحب والماجوب = وأفاخر لوّ ان نفسي ماني بتبع ارضاها

معاذ الله من سوء الكبر والنفوس عيوب = ياكم نفس تتمنى ولا تلحق امناها

والاعلام غايه .. والوسيله هي المطلوب = توصلّك لقلوبٍ تحبّك وتهواها

وذا صار مالك فعل يذكر وصيت ايجوب = ماينفع لوّ الاضواء تقدح ضواياها

والى صار مالك قسم سلّم على اليوتيوب = لوّ ايلمّع الصوره ويرسم زواياها

الاخلاق بعد الدين والليّ بعده النوب = يبين الرجل في ساعةٍ تلحق اقصاها

تماريبه اربوعه وهو عندهم محسوب = تفاخر بميقافه وتزجر حماياها

هذا الكفو والليّ غير هذا ماهو مرغوب = يصح الصحيح وكلمة الحق ماحلاها

وعلى كثر من يغلونك امن الشعوب اشعوب = ماتغليك والبغضا ماتاسع حناياها

لوّ انّك امنزّه لا نقيصه ولا عذروب = تولوك في ساعه ماتحمد سجاياها

طبيعة الاوادم والقفيّا محط ذنوب = عسى الله مايبلاني مثل مالله ابلاها

لكن البخيت الليّ من العالم المنكوب = امجنّب اضعوفٍ ماتحسّب خطاياها

ليا صرت عند اللله متقبّل ومحبوب = ومديّ حقوق الله وحافظ وصاياها

تبسّم وعرض وجهك لغربي الهبوب = وتقبّل من انسام الهبايب تحاياها






[/poem]