مبارك السكران ,

السلام عليكم ورحمة الله وبركاته
القصيده ما اتوقع انها تحتاج مقدمات
مبارك السكران السهلي مختار منطقة هديه
الرجل المشهور بالكرم وطيب الاخلاق
اهديتها اليه من داعي محبه وهي اقل من حقه






[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] اخير ماتبدي به القيفان = خلاقنا رزاقنا الرحمن
المعطي المغني وسيع الرحمه = اللي رزقنا نعمة الايمان
اللي عجايب قدرته تلقاها = من قبل تطلع نص بالقرآن
من بعد ذكر الله تزين ابياتي = وينشد حمام الشعر بالالحان
ويجود طاروقي ويسمو قافي = واغني ابياتي وانا طربان
وان كان فابياتي مدحت الخايب ؟ = عساني اقضي العمر دون لسان
معوّد لساني فمدح الطيب = اللي سوات مبارك السكران
رجل ٍ مزاياه الحميده عدّه = في عدّها ماتكفي القيفان
شف العرب جمع الذهب والفضه = وهو شفه الترحيب فالضيفان
ومن كثر مايذبح ويصلخ يمكن = مع السنين يخلص الخرفان
وجهه بشوش وسيرته محموده = واسمه مع الشيبان والورعان
ان شاب راسه ماتشيب فعوله = شايب ولا كنه من الشيبان
شيبه وقار وهو وقار لـ شيبه = يزيد شان الشعر الابيض شان
شوق الهنوف الترفه المزيونه = ماهيب وحده .. اغلب النسوان
وعون الضعيف اللي بليا حيله = لابينت روس المشاكل بان
يقص راس المشكله في رايه = ورايه مسنن يشبه لـ شامان
وتواضعه للمسلمين جبلّه = ويبين انه رمز .. للاحسان
لنا ثمان سنين جيران ٍ له = ولانحس انه معه جيران
كن جدنا ويا السنافي واحد = اخوان له مع مشفي وضيدان[/poem]