شاطي رومنسيتي

لا يزال للحزن بقيه
,
,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
قبل الهجر , والمواجِـع , والجفا , والصدود=دنيايْ حلوهْ , وغارقْ في رفاهيتي
أقطف مشاعرْك من قلبك , زهور , وورود=وأبني على حبك اوزاني , وقافيتي
واكتب حكاية غلا , حافل بصدق الوعود=وامسح دموعي , وحزني , وانطوائيتي
وأرسم على وصلك آمالي بليا حدود=حتى اعتبرت ان ملكيتْـك , ملكيتي
أهدي لك , ألماس كلمات المحبة , عقود=الين ذابت بشخصيتْـك , شخصيتي
وانته تمشيت في قلبي نزول , وصعود=يا ما تنعمت , في شاطي رومنسيتي
ويا ما تنفستني حريه , بلا قيود=وعرّيت ضحكاتك بشاليه حريتي
ويا ما تدثرت حبي , ريح مسكاً وعود=ويا ما تقهويت وصلي , من عنَـا جيتي
وياما اعترفت انك بْغيري , بليا وجود=وانك تنفس هوى حبي , وحنيتي
واليوم تنسى ، وانا ما انسى الهوى والعهود=ونيتْـك يا صاحبي ما طابقت , نيتي
اسوق لك من حنيني , واشتياقي , وفود=وتسوق لي صدك , اللي هز نفسيتي
تبخل بحبك ,, وانا قلبي بحبك يجود=تحرقني بْـشمسك , وْتتلذذ بفيتي
حشدت لي من جفاك , ومن صدودك , حشود=وذوقتني هجْـر , ما يخطر بعقليتي
حَـرصت عالهجْـر والصَـده بعزمْ وصُـمود=أرفع لحرصك على الهجران , طاقيتي
ما اقسى من الحب شيْ , اليا انتهى بالجحود=ولا اصعب من انك تناسى , صدق عفويتي
شف تضحياتي شهود , ان كان تبغى شهود=وشف سيئاتي , وتلقى طيبتي سيتي
خذ كلمة الصدق همسهْ , عن كلام الحسود=كتبتها لك على وزني , وقافيتي
اليوم اعزيك في قلبك , وصدق الوعود=وانته تعزيني , بموتة رفاهيتي[/poem]

ابو فارس