في ساعة بين الطمع والخوف والقلب القنوع .. ياصدق عين الهاجري (بغيتها وأخطيتها)

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أطعن فديت إيدك ومكّنها ورا حدب الضلوع = تبقى معي ذكرى غلا وأموت ماطريتها
أنت الوحيد اللي تمون وتطفي أنوار الشموع =من بعد ماشبيتها في خافقي طفيتها
وأنا على جرح الغرام أموت وتموت الدموع =في حجر عيني حايره من كثر ماهليتها
أبكي على فرقاك يازين الحلايا والطبوع =لولاك غالي مابذرت بدمعتي واصخيتها
أخفي على العالم وابيّن لك خفيات الرموع =في خاطري وأسرار قلبي عنك ماخبيتها
كم ليلةٍ عبر الاثير الطلق والعالم هجوع =مع الرجاء وأغلى الاماني لوّها ياليتها
أرخي لك عنان المعاني والمشاعر والسموع=من مرهف إحساسي على متن الهوى سريتها
أقول جاتك كلها وتقول عجّل يالقطوع =أبطيت بالجيه على روح العنى وأشقيتها
وأجيك والفرحه تباريني على درب الطلوع =ماهمّني بعد المسافه والقدم لاحفيتها
أمد لك يمناي وتقدم ولائك والخضوع=حياك ياكف اليمين اللي علي مديتها
ضميتها وأدنيتها وأدنا لك الخفاق طوع =عبّرت عن مافي الضماير والشعور اهديتها
في ساعة بين الطمع والخوف والقلب القنوع =ياصدق عين الهاجري (بغيتها وأخطيتها)
النور كله والتجلي والتبلور والسطوع =قدام عيني في ملاك الارض يلمع ليتها
لحظه من اللحظات .. مرّت .. وأنتهى حلم الشروع=في عالمٍ قبلك عيوني فيه مالديتها
واليوم مادري ليه قلبك لا قنوع ولاجزوع ؟=تقبل وتقفي بك تصانيف علي مابديتها!
وأنا عزيز النفس ياترف القدم ماني بتبوع=لو كان في طرد المقفّي حاجتي .. خليتها
[/poem]