الهيلا هل العوجا

بسم الله الرحمن الرحيم

السلام عليكم ورحمة الله وبركاته

بمناسبة دعوة اخي وصديقي الشاعر الكبير منيع الله حشيم العتيبي,
لحضور حفل زفاف نجليه في مساء يوم الاربعاء 29/7/1430هـ .
كانت هذه المشاركه المتواضعه آمل ان تحوز على رضاكم.

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="Simplified Arabic,6,chocolate,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[poem=font="Simplified Arabic,4,orangered,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="Simplified Arabic,6,orangered,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من اجمل اللحظات واسعدها مسا يوم الربوع=موافق اول ليل من شعبان ونهاية رجب
عندي من ايام العمر.. ماهو من ايام السبوع=اصوغ فيه الشعر واسطر حروفه من ذهب
يومٍ نشاركم به الافراح يا اعز الربوع=ربعٍ توثقنا بهم جيره وعادات ونسب
عتيبه الهيلا هل العوجا كريمين الطبوع=رمز الشهامه والشجاعه والمكارم والحسب
مسنعين برايهم من لا يعرفون السنوع=ومودبين بفعلهم من لا يعرفون الادب
رجالهم يصبر على جوعه وضيفه ما يجوع=وان طالت الطرقه خوي الجنب ما يشكِ التعب
طبعٍ لهم تحيا عليه جموع تتبعها جموع=وما دام هذا سلمهم.. لا للغرابه والعجب
في مدحهم يخدمني التاريخ والعاقل قنوع=واللي يقول الحق ما همه كلام اطلق شنب
سلام في طياته اجمل نادره من كل نوع=فيما يكون من الوجوب من العرب عند العرب
سلام نبضات الخفوق اللي وراء حدب الضلوع=من ذات حمران النواظر جات من صدرٍ رحب
فيها نجدد وصل واللي ما يواصلكم قطوع=والعذر عن تقصيرنا ولكم مشاريه وعتب
يابو بدر لك سابق المعروف يالسيف البتوع=واذا دعيتونا تشرفنا وجينا من طرب
يومٍ نشاركم به الافراح يا اعز الربوع=نصوغ فيه الشعر ونسطر حروفه من ذهب
[/poem]
[/poem]
[/poem]
[/poem]

وسلامتكم