جامع على اسمه جامع للفضيله

المشاركة الأصلية كتبت بواسطة رشيد منور

بسم الله الرحمن الرحيم

السلام عليكم ورحمة الله وبركاته

صباح الخير للجميع

إليكم هذه القصيده الترحيبيه التي ألقيتها في حفل زواج الشاب/ سلمان منير العتيبي

وبحضور من شرف الحفل الشيخ / جامع بن عبدالعزيز بن جامع أمير الفوج الخامس وشيخ شمل قبيلة الروسان

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] هلاهلا يامرحبا بالمشاكيل=اللي على العليا خطاهم طويله
وأخص بالترحيب مقدم هل الخيل =جامع على اسمه جامعا للفضيله
ذخر الكريم اللي يتعب حلاحيل = بالطيب والحكمه وبذل الجميله
كريم سبلى ينحر الحشو والحيل = وضيافة الهيلا تراها دليله
في مدح مثله يفخرن التماثيل =فرايد الشعر الجزل تنحني له
ماظنتي يوجد على مستوى الجيل = مثله لكن ابنه محله مثيله
يامرحبا تشمل جميع الرياجيل= اللي لفو من كل دار وقبيله
الله يحييكم على البن والهيل = ياللي تعودتوا لكسب النفيله
فضيافة اللي مدته توفي الكيل= اللي بحزات القسا ينعني له
أنشهد أنه وافي يعدل الميل = يوم ان بعض الناس معدوم حيله
ابن سويلم من نجومن دواليل = مثل الجدي بالليل الاظلم دليله
من عزوة تفعل بوقت المفاعيل = لاشب نار الحرب خشم الفتيله
آلاد عاصي عز من ضامه الشيل = مثل السيوف الصارمات الصقيله
ومبروك ياسمان من دون تاجيل = فالليله اللي ماتقارن بليله
وختامها يامرحبا بالمشاكيل = اللي لفو من كل دار وقبيله

[/poem]

صح السانك

يارشيد

اجد لاهنت سبك وحبك ومعنى

تقبل اطيب تحيه