كحل عيني

[ALIGN=CENTER]السلام عليكم ورحمة الله وبركاته

واسعد الله اوقاتكم بكل خير

واعذروني على الانقطاع هاليومين .. واتمنى ان تنال هذه المتواضعه

بعضاً من استحسان اذواقكم الراقيه..[/ALIGN]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بيني وبين الشمـس هــالات ودروب =ياصل شعاع الشمس لو ماوصلته

يذوب بافاق الفضاء غصب.. واذوب =وإن ملّ حمله فوق كتفي نقـلته

ادنى غلاك امحققٍ عرش محبـوب =واقصى غلاك بموق عيني كحلـته

ياكحل عيني ..يابعد ناظري ..تـوب =التوبه اولى من مصيرٍ جهلـته

اذهبت حالٍ من عنا الوقت مذهـوب =يحول عن حاله ورى ماسألته

غلاك باقي وإن نقص شي يادوب =تحتل عرشٍ قد سبق وإن نزلـته

مكتوب سلطانك على القلب مكتوب =يبقى ولو حاولت ازيله ما ازلته

والبارحه مرت علي جرح واذنوب =ماغادرتني لين حالي ثكلته

نعيت عمرٍ عاش ماعاش مسلوب =واليــوم في خنـجر غرامك قـتلته

قلت:- الفراق, وصحت منكوب منكوب =ياويل حالي ليتني ماقبلته

لا والذي حطك على القـلب منصوب =إنك بريت الحال بري ونحلـته

عشقك لبسني فالخفا لبست الثوب = ولا فيه شيٍ منك غير احتملته

ويوم انتحا الخافق رجع منك مصيوب= وكنك بمذروب المشده نشلته

اسرفت فيني سرف ماهوب ماجوب =تسررف بمخلوقٍ ومنّك وختلته

ارفق بحالة سيف طالبك مطـلوب =ادخل على الله وش بقى ماعملته؟




((سيف السيف))
[/poet]



[ALIGN=CENTER]وســـــــــــلامتــــكم,,,,[/ALIGN]