فانـتيوم

بسم الله الرحمن الرحيم

اخواني / اخواتي

الاعضاء/ الزوار

كل عام وانتم بخير

قصيده من الجديد اتمنى ان تنال الرضى ..










[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


راكب اللي قيمته (قطة ) قبيله=ادفعوها برقبه والله عتقها
والد المقتول سامح عن قبٍِِِيله=ماتبي نفسه سوا اجر اللي خلقها
دوّروا لارجاع قطتهم وسيله =لكن اللي جمّع القطه سرقها
واتركوه يروح درءاً للفشيله = وهوّ حتى كلمة اسف مانطقها
واشتراله ( فانتوم ) باخر موديله=عن جميع المركبات الله فرقها
ماشراه من المعارض من وكيله=مبلغ ٍ ماتجيبه الناس بعرقها
قصر متنقّل كفراته تشيله=كل ديره ماتناسب له فهقها
عاملن من بطرته بس لغسيله=كان قبله يشتغل نادل بمقهى
مره (الفانتوم) ولاشاور كفيله =فيزته من ولعة الموتر حرقها
رافع ٍ خشمه على راعي الطويله=كنه يقول لقليل المال : سقها
التويجر لو يبيه وشد حيله=مالحق تمثالها ولالحقها
مايجي مفتاحه بكف ٍ بخيله=غير كف ٍ مااستراح ابها ورقها
ياحليل الجيب والا عزتيله=عقّب صفوف المواتر واخترقها
وشخص بالاحرار معرفته قليله=ياشواها .. ياقلاها .. ياسلقها
شبكها شاشه سميكه مستطيله=سينما تعرض عروض لمن عشقها
نورها لو جِيب في الساحل مثيله=ماذٌكر حاله توفت من غرقها
لو رمت بندق قبل تفتح كويله=ودست بنزينه كفخ يسبق فشقها
راكبه بسويت واركانه جميله=منعزل عن صجة الناس وقلقها
والكراسي كنها البهو بأوتيله=تكفي المليان لو جا في شنقها
شغلّه نبغى نتمشّى فيه ليله = سجة ٍ تنسى بها نفسي غلقها
مسرج ٍ همي عليّ جموع خيله=لي ثمان اشهر وانا خذها وذقها
وغير خلاّق الملا من بشتكي له؟=دام ماللخلق غير اللي خلقها
ان بُلي يصبر مادام الله وكيله=وان رُزق نفسه تحمّد من رزقها
هكذا هو ديدن ارباب الفضيله=تشكر الله في سهلها وبعوقها
والبنادم وش رجاه ووش حصيله؟=كان وجهه موية الحشمه دفقها
كل من شافه قدر ينشر غسيله = ولاسلم من هرجة الناس وحمقها
ماني مسمّيك ياهم ٍ يشيله=خاطرن عيشتك في جوفه زهقها
الله اللي جاعله والله يزيله=لطف ربي دعوة الداعي سبقها[/poem]





.