مرثية للشاعر/ محمد في وفاة والده الشيخ / عبدالرحمن خاشم ابن مصوي

السلام عليكم ورحمة الله وبركاته

مرثيه للشاعر / محمد بن عبدالرحمن بن مصوي في وفاة والده الشيخ/ عبدالرحمن

ابن خاشم ابن مصوي تغمده الله بواسع رحمته واسكنه فسيح جناته

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالجتي لجه حيام" بمضماه=على قليب دارسن له سنيني
في مهمهي" تشوي الطيررمضاه=قبل طلوع سهيل وقته يحيني
على الذي في يوم ثامن فقدناه= بشهر الصيام أقفى عن الساكنيني
مرحوم ياشيخ" على الطيب مبداه=اللي جمع مابين دنيا وديني
شيخ عن الدنيا تقافت مطاياه=رحل وأنا مالي جدا ألا ونيني
أقنب قنيب الذيب وأجاوب أعواه= وعليه أسامر كل طرق" حزيني
ياوجد حالي كل ماحل طرياه=وجد الخلوج اللي طواها الحنيني
ألياذكرته جض قلبي من أقصاه=وقامت تهامل بأزرق الدمع عيني
والله لوطالن الأيام ماأنساه=عهد" قطعته بين نفسي وبيني
ويااللي تعزيني وأنا أقول عزاه=عز القبيله عقب خطل اليميني
وعزاليتيم اللي تغربل بدنياه =وشيخ" كبير" مالقاله عويني
وعزالكرم والجود والصيت والجاه=وطيبه وفزعاته مع الغانميني
وعزالدلال وعزناره ومركاه=وصينية كم قلطت من سميني
وعزاي أناروس الرجال المسماه=حزامي اللي فالقسى مايليني
درع ليا من الزمن حد شلفاه=وجنب" لياجات المواقف متيني
جعل السحاب اللي من الغرب منشاه=على ثرى قبره يهل الغشيني
يعل قبره لين تعشب زواياه=قبر" يحظن أغلى ماتملك يديني
ويالله عسى في جنه الخلد مثواه=مع الرسول وصحبه الطيبيني
ويالله عسى يأخذ كتابه بيمناه=ويارد على الكوثر مع الوارديني
ويظله الله تحت ظله ويرعاه=لاجاء نهار" به يشيب الجنيني
آمين ياللي تسجد الناس لرضاه=يامبدل" عسر الليالي بليني

[/poem]