مفاتيح الغــرام

(مفاتيح الغرام )

اما تجيني ياهجوس الشعر من عذب الصفـات
ولا علــــيا بالطــلاق غصبـاً علي لارقــى بها

كوني ولد شـاعر وشــاعر ماتهـم التضحـيات
وكون القصـايد ساكــنه صـدريوانا ادرا بها

الشعـر يجري وسـط دمي مثلمـا نهـرالفـرات
باعذب تفاصيل الحروف اللي تنال اعجــابـها

من زود احساسي بشعري واختيار المفـردات
نـذرن علي لاوقـف السـاحــه على محــرابهـا

واشعل قناديل الحروف المضنيه بكل الجهـات
مادام وحروفي رصاص وكل شخـص يهـابها

لني على قـولة سعـود المصعبي مافــات مـات
غلطه ومرت وانتهت من غير شرح اســبابها

ومــادامــها ماقــدرت كل الســنين المــاضيات
وشلي اضـيع مابـقى من عـمر لجـل احـيا بها

مبدا تعلمـته وانا والجــرح في صــدري يبـات
ان الحــياه المــؤلـمـه مهــمـا تســـل انـيابهــا

لابــد من لحــظـه تزول وتنتهي هالمعـضــلات
حتى ولــو ثــارت تفــاصيل الزمـان اعـصابها

المرجـله مـاهـي مـثل لفـت انتـباه المعـجــبات
والبنت لاشافـت رجــل غــصباً يثير اعجـابـها
وانـا الرجــوله كلهــا ومعــذب قلــوب الـبنــات
هـذيك يــوم تحـبني . وهـاذيك انـا مـارضا بها

دامي رقيت بمنهجي فـوق الجـبال الشـامـخـات
واملك مفــاتيح الغـرام واقــدر اصـك ابـوابـها

ولا تـأثــر بي طــرق بعــض الـبنات المٌغـريـات
كــوني اصـــيل ولا احــب اللي قـصـير ثيـابـها

ماغير احب بنت الاصـل اللي تربت ع الثبات
هـاذيــك دايــم تلــتزم في دينهـا و كتاااابـها

متمسـكه بعـاداتـنا وحجـابها ولـبس العــبــات
وماهمــهــا غــير السـتر وماهـمهـا خطــابها

ولاهمهـــا زيف المظاهر او طــريق المنكرات
مـــادامــــها مـتربيه وعـــنوانها بحجــابهــا