< نــزف القـــلم>

طلاسم حْروفـي تمتثـل لانزفهـا البـوح
أوسّع بهـا صـدري ولاهيـب مفهومـه
عليها غشاوه لو كتبهـا القلـم بُوضُـوح
توارد مـن الخاطـر ولاتظهـر عْلومـه
تسابق مع عْروقي على الخافق المجـروح
تثير الشجـن وتحـرك الجـو وغيومـه
تْداعب رنين الحس مع صوتي المبحـوح
وتْلاعب غموض النفس لو كان محرومـه
ورى سْتار صدري من صداها بنيت صْروح
تطارد معه ورْمـوز الاحبـاب محكومـه
على نغمة العشاق لـو مالهـا مصلـوح
تهاب الحروف مْـن المتاهـات واللومـه
تْقدّم بعد ماتستـوي مـن بخـار الفـوح
على يْديـن راعيهـا لذيـذه ومهضومـه
عسى ياعسى يفهم على الرمز والمنضوح
وأنا غامضـه والحـر ماينكـر سْلومـه
تقاليد وحـده والمواقـف تجـي وتْـروح
والانفاس مهما ينـزف الحـرف مكتومـه
معانـي هدفهـا لامستّـر ولامفـضـوح
عليهـا علاماتـي جديـده ومرسـومـه



صح لسانك

بووووح جميل

والله لايهينك