المشط طاح !!

[align=center]


تفتح دريشتها , صباح الخير .. في نظراتها
تاخذ هواء , تعطي هوى ! ما جا على بال الصباح

تتنفس الدنيا , وهي : دنيا , حوت لذاتها
شكل المباح , ولذة وفتنة وطعم اللا مباح !

تجلس , تناظر فــ المراية , وجهها مرآتها
ما يعكس ألا كونها الأجمل , وتشعر بانشراح

تتناول المشط بيديها , ترتبك خصلاتها
يا هي نعومة كفها , أو شعرها .. والمشط طاح !

تاقف , تدوّر منشفتها , عطرها , فرشاتها
تغسل يديها وجهها , والماء بعطر الوجه فاح

ترجع لغرفتها , وتترك نفسها لنزواتها
وشلون تحرق دم عاشقها , وتطلبه السماح !

تضحك وهي ترسل رسالة من جنون أبياتها
بين الـــ(ــ أحبك ) والـ(ــ ما أحبك ) تخلط الجد بـ مزاح

هي طيّبة جداً , حنونة , مشكلتها سكاتها !
ترفض تبوح , وتترك السفن لــ مقادير الرياح !

وانا اتجاه الريح ياخذني على مشهاتها
لو ( ينشغل ) قلبي أسجّل حالتي معها ( متاح )

لو هي أضافتني لــ عالمها , كما رغباتها
وتدخل معي في عالمي , نتبادل الميّ القراح

مديت أحاسيسي , ولا قالت يا زايد ( هاتها )
وانا أنتظر هـــ الـــ ( هاتها ) تنسف مشاوير الجراح

عشان اعلمّها عن اللي من حياتي فاتها
يمكن تحس بــ ضيقة اللي من عرفها ! ما أستراح

عاشق , يدوّر عن صباح الخير في نظراتها
وشاف الصباح بــ وجهها , ما جا على بال الصباح [/align]