صـوت ..و.. صـدى

سلام عليكم
جميع

اسمحولي اضع المساجله بين يديكم

بيني وبين الشاعر / مشعل البديوي

مشعل البادي ورديت عليه لعلها تلقى رضاه ورضاكم

مشعل البديوي قال ...

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

عبدالله الآفكار تلعب على .. الكور=أنا شمالك .. والتفاكير جبله
جبت القلم مجبور .. والقلب مقبور=بين الضلوع ودمعة العين سبله
البارحه ماني مع الناس مسرور=في داخلي مخلوط حبله بنبله
في داخلي اشعور مامثله اشعور=من سبة اللي قطع البعد حبله
حبل المَوده والغلا كنه جسور=متهدَه النسمه وتهدمه وبله
بس الزمن دوار والعالم ادور=بعضٍ مع الدوار والبعض قبله
شد الرحال وخاطري منه مكسور=واسرج خيول البعد والوقت طبله
غرَه زمانه .. مير ماهو بمغرور=واشعل بجوفه والظروف اتحطبله
لاشافني مقهور ولاصد مقهور=همٍ طوال العمر ماهو طربله
ذكرى مع الآيام .. في تسعة اسطور=يقرالها التاريخ ماهو كتبله
وانا على ماقيل .. ماجيت بقصور=أسقيت ريحانه وجوريه ذبله
لاقاللي مشكور ولا قلت مشكور=اتبع هوى بلّي وهَوِ يتبع أبله

[/poem]

وقلت أنا ...

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

حي الجواب اللي به الورد منثور=من شاعرٍ .. واجب علي أحتسبله
جاب القلم مجبور .. والصدر محشور=وأرهىَ يساير .. من بلاه ونشبله
وقام يتوَجد من عواقيب وشرور=مشعل رفيع الشان واللي تعبله
على وليفٍ راح بالخير .. مذكور=مدري خذاه الوقت ولا سحبله .؟
وصاروا على ماقيل .. منهي ومامور=عكس الوصل .. في حب عنتر وعبله
لكن أشوف الظلم .. غطى على .. النور=النور عندك والظلام أنتسبله
بلوى .. وانا من كبر بلواك مذعور=من قرد حظك .. ماكتب لك شطبله
ولاهنت أحَب أوضَح أمور وأومور=يوم الآسد ماضاق من دون شبله
الوصل .. مثل الكنز .. والعاذل السور=ومثلك على بير الأماني شربله
غلطه وعـوَضها وانا أقول ماجور=وأختار من سرب المزاييـن .. قبله
وكانك مصمـَل في هوى .. قايد الحور=أسمع كلام الصدق واللي .. حسبله
خطاه .. ماداراك يوم أنت محقور=وخطاك .. تلبس له من الشوق دبله

[/poem]

ولاخــلآ ولا عــدم