شرايد (ود)..!!

السلام عليكم ورحمة الله وبركاته

العذر والسموحة عن الإنقطاع الخارج عن الإرادة

وإسمحولي أن أضع جديدي من باب التواصل مع

المطاليق شرواكم عسى أن يشفع لي بعد الغيبة

صلوا على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لا إله الا أنت ياربي ويا خلاقي=يامعين لمن سجدلك بالرخا والشده
أشتكي لك من ضعف جهدي وقل أوفاقي=وأطلبك من جود فضلٍ ماقدرت أعده
أعطني يامقسم الأعمار والأرزاقي=مدةٍ تغني يميني عن شحيح المده
ماخذيت إمن الحياة إلا جفا وفراقي=وين ما أحث الركايب لا الدروب مصده
التجارب علمتني كيف أحفظ أخلاقي=عن رفيقٍ ما عرف مزحه ولا أعرف جده
الرفيق اللي على قطع الوصل سباقي=مثل طير ما ينومس ناقله لاهده
واحدٍ يرقب تخثاعي وكسرة ساقي=المسافة عن بعضنا شدتين / وشده
بالفعول يعلق أعذاره على المعلاقي=وبالمهارج ماحدٍ حوله وما أحدٍ قده
يحسب إن رجلي على حلو الحكي تنساقي=وإن نصيته حزة الشده يصعر خده
مايسر مجاملي للباير البواقي=لاصفاله خاطري يومين بيح سده
علموا من لاعرف ما أخفيت بالأعماقي=واحدٍ منه الصدور بغيها منفده
من طلوع الشمس حتى غيبة الأشفاقي=أتحرى والخبر من راح به مارده
أنثنى غصن الغرام ويبست الأوراقي=ومن غرامه ما كسبت الا شرايد وده
قبل أعرفه ماعرفت الود والأشواقي=ومن عرفته كن عيني للسهر محتده
ياوجودي لاإستفاضت بالدموع أحداقي=وإلتفت أدور الصده ولابه صده
[/poem]

وسلامتكم