صدى الشاعر / فهد فلاج والشاعر/ نادر مسلط

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قصيدة موجهه للشاعر/ نادر مسلط الذيابي

شهر ونت غايب ماعينتك يابوسلطان = عسى غيبتك ماهي بعمدٍ ومقصوده

عسى مانته بزعلان ونا ارضي الزعلان = ترى غيبتك يامعرب الجد مفقوده

كبنك من للي فى للوازم سند وخوان = رجالٍ نهار العسر وللين موجوده

سلايل رجالٍ تحتم العلم فى الميدان = فعولٍ على لبرهان للناس مشهوده

انا قول ياكحيلان وين انت ياكحيلان = لاتقطع حبال لوصل مدام ممدوده

مدام الكريم معان يبقى الكريم معان = وترى مايلام المرء من بعد مجهوده

ماقولك ولع شعلة العود ابو دخان = ولاقولك خل عصابك تصير مشدوده

وترى ماش به طير تعلى بلا جنحان = ليا ضفت الجنحان يطلع على السوده



وهل نجد تستانس ليا ربع الصمان = يجي كل راعي ذود ماشي ورى ذوده

ولاياوسيع العرف لايرجح الميزان = وجيه البشر معلوم ماهي بمعبوده

تجيك الرساله حط قوسين للعنوان = ترى الراس مايثبت ليا قصت عضوده

لكني مابيك تغيب عني يابو سلطان = ترى غيبتك يامعرب الجد مفقوده

رد الاخ / نادر مسلط =


هلا مرحبا بالشاعر للي صخر القيفان = يصخر بيوت الشعر تصخير مفروده

اله مع هل الطالات ماقف رفيع الشان = وله في مجال الشعر صفحات مرصوده

ونا غيبتي ماهي بصدن ولاحقرا ن= ونفسي من ضروف الوقت ولايام محدوده

نا كيف بزعل صاحبي وفرح عليه فلان = ونا من عادتي في صاحبي مابيح سدوده

ولو زعل جميع الناس مزعلك يابليهان= كبنك يافهد فيك لسجايا دوم محموده

ومعزتك وسط القلب تجري مع الشريان= لها في صميم القلب لفات معقوده

مدامك يابونواف حزت لول والمرجان= سحاب الصيف ماينفعك لودندن ارعوده

وكل يفرح انطاح الربيع ونبتت الريضان = اوسال الوادي للي من بطى مارويت عدوده
[/poem]