يا أبو ربا ياليتني وياك يالشيخ نسبـــا ..!!

.

/



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا ترحيب رحب ومرحبابتس مرحبا=يامن سبيتي عقلي وفيك الوصوف مجمعه
كلك جمالً يوسفي ومذيره مثل الضبا=جذابه وطرقا ومن كيك الحلا متشبعه
ياليتني وياك يابنت الأجاويد قربا=إن كان ريحت الضمير اللي نزف من منبعه
ياحظ من صرتي نصيبه عقبها ياوش يبا=ومن لاقصد في عيونك الخدره ظلم نفسه معه
تكفى يا أبونوره وأنا قلبي تعلق مع ربا=الحق عليّه قّدم أخوك اليوم يلقى مصرعه
لاشفتها حسيت في شيً مع عروقي دبا=واصبحت ألج الصوت كني تايهً في مقطعه
والله لااصوت لها في جهّر ولاّ في غبا=وإن كان ما صوت جوالي عسى الله يقطعه
مدري علامي عقبها عوّدت لأيام الصبا=ولاهجوسً مردمه تبغى فجيجً للسعه
ابليس يدفعني عليها جعل طاريه يهبا=وانا قصير يدين وأطلب من جنابك منفعه
إن كان حققت الطلب عجّل عليّه بالنبا=والله لا اذبح لك من الطليان عشره واربعه
يالوف قلبي لوف صيخً ضاربً في الكهربا=على الهنوف اللي تغنج بالشعر ومدلعه
قالوا مريض الحب جرحه ماتداويه طببا=وشلون لاصارت جروحً فـ الحشى متربعه
يا ابو ربا ياليتني وياك يالشيخ نسبا=وإن جاء لزومك لو ورى صنعا بساع نسنعه
بنتك مثل ملكة سبا وأنا المولع في سبا=مكتوب والمكتوب يارجال ما أحدً يمنعه[/poem]



/


.