نادين البدير !

السلام عليكم ،


نادين البدير .. كاتبه سعودية ليبراليه
قرأت لها مقاله تطالب من خلالها بتعدد الأزواج أسوة بتعدد الزوجات الذي سنّه رب العالمين !!!

و كانت هذه المتواضعه :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يا ربّ تحفظني وتمهلني سنين=وترزقني التوبه وتلطف بحالي

والموت عنيّ تأمره ينتظر لين =تحسن ختامي قبل أشدّ الرحالي

رحماك في يوم ٍ تقرّ الموازين=أنا بجاهك يا عزيز الجلالي

شاعر وأبثّ الحبّ في شاشة العين=تقول بين رموشها حاسب آلي

في مطبعة راسي طبعت الدواوين=و وزّعتها ما بين غالي وغالي

ولا ضيّقت صدري رياح الخماسين=هبّي و روحي يا الهبوب .. وتعالي

أمرّ وأدهى منك نزغ الشياطين=اللي لهم بين العباد إجتوالي

تبّاعة الدنيا .. وحرّابة الدين=حناجر ٍ في كل منبر تلالي

يا شرذمة ( خالف وتعرف ) على وين=الشرع ماهو منهج ٍ ليبرالي !

لا والله إلاّ شرع رب الثقلين =لازال ثابت جعلكم للزوالي

عطوكم الفرصه عيال السلاطين=وأصبح لكم بسم الحضاره مجالي

آخر مردّ علومكم عند نادين=ونادين في درب الخطا ما تبالي

تسعودت من غير نخله وسيفين= وأمست من أصحاب العلا والمعالي

تكتب مقالتها بحبر المجانين=حتى تثير البلبله بالهبالي !

تقول ليه الرجل بأربع نساوين=مشروع له وانا أتقلّب لحالي

ما غير أنا والليل والهمّ والبين=وين العداله عن بنات الحلالي

خلوّا كتاب الله و مافيه بعدين=لازم تزفوّني على أربع رجالي !!

مستوحشه قامت تسنّ القوانين=وصارت مع الغاوين مضرب مثالي

يا أمّ العبر متى من الله تخافين=توبي قبل يصلاك في النار صالي

ما ضيّعك غير الضعوف المساكين=لعلّ ما يبقى لجنسك توالي !
[/poem]

وسلمتوا ،،