لق صدرك للهبوب الباردة ...

المشاركة الأصلية كتبت بواسطة فهد الزعبي

السلام عليكم

للتواصل

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
عادة الدنيا تدور ولاهي بمطواعه=إضحك بدنياك يامومن ولاتامنها
تجبع الغافل بشلفاً باللقا بتاعه=لاسلم حضه من أيسرها بلش بأيمنها
هكذا حكم السنين إلى قيام الساعه=إحفر لبلواك حفرة بالصدر وإدفنها
من بغى روس المعالي لايمد كراعه=يسهج فجوج الخلا لين يتخارج منها
واحدٍ ركبه على فج المدا قطاعه=الحفا يلحى سماريها ومستمكنها
مال شدات الزمان إلا السمع والطاعه=لق صدرك للهبوب البارده وإحظنها
وشف رفيق الليل لاهاتف ولا سماعه=بالسهر محفي عيونه / عادةٍ وأدمنها
للطروش اللي تمره مصخيٍ أسماعه=طاحت الدمعه بكفه ما قدر يآزنها
صارت الراحة نهابة والمنام طماعه=وإن حداه الوجد جر أبياته ولحنها
ماشكى للناس من همه وحر أوجاعه=وإن شكى لا مفرح العالم ولا محزنها
سلوة عيونه وونسة خاطره وإمتاعه=في كفوف الوصل من عاده خلي راهنا
البخيت اللي يصد إمن الهوى وأسناعه=الأمر بيديه لاكبرت يدبر عنها
[/poem]

وسلامتكم

قصيده تملك الروووح



اسلوب سلس ورائع يافهد

صح لسانك

سجلني من متابعينك



بانتظار جديدك


تحياتي