فرحة ايوب

السلام عليكم ورحمة الله وبركاته








..



بعد غيبه طويله أجبرتني فرحة عودة صاحب السمو الملكي الامير سلمان بن عبدالعزيز
على كتابةهذه القصيده..





أعمارنا يا سيدي ناقصه عــــام=عام مضى يامير ماهوب محسوب



عام نحرمــنا شوفتك يابن الامــام=أمر علينا غصب باللوح مكـــتوب


العاصمه من غبت كن اهلها حيام=ولا هناهم كل ما كل ومشـــروب


ياسيدي من غبت ماجفت أقـــــلام=ومدادها من دمـع الاعيان مسكوب


نكتب وصار اسمك لنا اكبر الهام=ياغيث منهو من عنى الوقت منكوب


يابو فهد حبك على صدورنا وسام=تاسر قــــلوب وتملك بحبك قــلوب


انت الذي بالطيب حطمت الارقام=تفتح دروب وتغــــلق بطيبـــك دروب


ماكنك الا للوطن أحـــد الانعــــام=اللي عليـــنا انعم بهـــا قابل الـــتوب


لاوالذي انعم علــــــينا بالاســــلام=مالك شبيه بكل من يلبـــس الثــــوب


واكبر فرح مر الوطن واجمل أحلام=عودتك ياللي ماذكر فيك عــذروب


يوم اعلنو لحظة وصولك بالاعلام=الدم كـــنه ســـار بعروقنــــا دوب

من الفرح ذاك المسا الشعب مانام=فرحة وصولك كنها فرحة أيوب