بروق الوسم تبرق وانا خاطري مجروح

السلام عليكم ورحمة الله وبركاته


للتواصل مع المرقاب الشعبي ,,


متواضعه اضعها لكم علها ان ترتقي لذائقتكم ,,,


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بروق الوسم تبرق وأنا خاطري مجروح=ألا كيف ابسلا دام همي يجاذبها
تدق الليالي حظي الجاير المكشوح=وتهل الأماني دمعها من سحايبها
ألا يا حمام الورق نوحي وانا بانوح=لي أيام ما ساقت هجوسي ركايبها
تنوحين طربانه وأنا بالشقى مذبوح=أبعثر همومي بالقوافي وارتبها
ألا يا جودي وجد عود ٍ عيونه فوح=يهل العباير والليالي يعاتبها
كريم ٍ معا ربعه وعند العرب ممدوح=ومن طيب راسه قولة النعم كاسبها
حدته الظروف القاسيه والبخت مطروح=من الدين نفسه تشتكي من كرايبها
عليه العرب يم المحاكم تجي وتروح=ودون الحقوق حلوق تبغا مطالبها
عقيم ٍ ولا عنده ولد والجروح وضوح=وسبايب ديونه من جماله وصاحبها
كفل والكفاله ما يجي منـَها مصلوح=ومن يضمن الدنيا وقرصت عقاربها
ليا راح يسترفد تسيح المدامع سوح=بعد كان يعطي رفدته قام يطلبها
هذا هو وجودي من أمور ٍ علي تلوح=أحاول اصدقها وأحاول أكذبها
هموم ٍ بقلبي والقفل ماهو أبمفتوح=تعذبني أبليلي وبالصبر أعذبها
عسى ربي الرحمن يبري جروح الروح=ويغفر ذنوب ٍ جاتني من سبايبها [/poem]