ღ♥乂♥ღ الــجــــــرح ღ♥乂♥ღ

السلام عليكم ورحمة الله وبركاته ..لتجديد روح التواصـل بيني وبين أخواني اعضاء وزوار هذا المنتدى الغالي علينا..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الجرح لامنه دخل فيك بسكات "=" صدقني مايطلع كذا / بالسهوله
أنشد مجرب قد خذا فيه سجات "=" سج وخذاله فيه / صوله وجوله
ماهو بجرح اللي يجي فالعيادات "=" جرح ٍ أطباء العرب ما أوصلولـه
مجروح والمجروح أجروحـه أشتات "=" أما قهر والا من أشيا في حـولـه
وأنا الجريح اللي خذالـه مساحات "=" في كل بقعه له مكان ومقوله
أبحث وتلقانـي زبـون الـونـيـات "=" أحد ركائز هالقصيد وميولـه
ماني بجي من شان أسد الفراغات "=" أن جيت أجي مثل السحاب وهطوله
وبل ٍ من القبله غداله دويات "=" من قوته كل ٍ تحري وصوله
أما رقا من فوق روس المنيفات "=" والا درج فالشعر وهذي سيوله
في صدري أهموم وقصيد ونزاعات "=" تلقى القصيد يفك بكرة بتوله
شاعر ولا أحب التوسط وخذ هات "=" عكس الذي فالواسطه ينشرولـه
لو أن في وجهي محط أتهامات "=" قالو وأنا ماعندي شي ٍ أقوله
ياقاف لاباس وطهور وسلامات "=" من شر حساد العيون النضوله
اللي وراها هم وغم ومتاهات "=" تقول سلعه من وراها عموله
تبحث خفاي الين ماجر ونات "="ونفسي على ما الله حباها زعوله
أتشل ماشاله بعير المهمات "=" يوم أن بعض الناس قفت ذلوله
والنفس بوابه وفيها حراسات "=" حراسّها صبرك . وضيقك . وهوله
اذا ماعندك عزم وقوه وهمات "=" بتضيع من بين الحياه الملولـه
ياقاف والضيقه وراها مسافات "=" وعيني من دموعي تراها مغسوله
تاخذني الضيقه وتعطيني أبيات "=" وتنشرني أمام العرب والحموله
الين ماغنيت وأصبحت مشهات "=" ال قلب من يسمع ل عايض وقوله
شاعر ولا احب الغضب والشعارات "=" اللي تدل النقص والا الطفوله
أما يجيك الشعر فن ومهارات "=" والا بلاش الشعر / عرضه وطوله
واللي يقول انه خذاله بطولات "=" لو نبحث ال مجده مانلقى بطوله
ضيعات ياراع التصاريح ضيعات "=" دقاق الأطبل وش تفيده طبوله ..؟
فالله يبلغني مراد الطموحات "=" وأكسب رضا ربي ونصرة رسـولـه[/poem]