نديم السهر !

المشاركة الأصلية كتبت بواسطة فالح المصعوك

السلام عليكم ورحمة الله وبركاته

للتواصل بعد الانقطاع .. تقبلوها

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يانديم السهر والليل واوجاعه=لمتني قبل لاتنشد عن اوضاعي!
صاحبك هو هو وابداعه ابداعه=ان تغيّبت لاتستبطي ابداعي!
همّي اللي يباري عقرب الساعه=مثل ماهو تحَرْسِه حدب الاضلاعي
وقلبي المبحر اللي حلمي شراعه=يمّته وين مايمّمته اوجاعي!
والسهر ( ذيب ) ..ينهش جوعه اضلاعه=وايْتعشّى عيوني كلّ ما جاعي!
يانديمي بنات الفكر نزّاعه=لك .. ولك حادي الآمال نزّاعي
ضقت من وادي الضيق ومن سباعه=كن مافالوجود فجوجٍ وساعي !
وفكري الحر..حرٍ ملّ من قاعه=وشاف حرّيّته فـ / مفارق القاعي
الزمن قبل ما ينزع لي قناعه=وقبل صكّات بقعا تلوي ذراعي
كانت اكثر شفوف البال..منصاعه=وكان حظّي قبل لااطيح فزّاعي
واثر الايام مكّاره وخدّاعه=تسلب آمالنا من دون لا ناعي
يانديمي معاذ الله من الراعه=ماني اللي من الآقدار جزّاعي
الزمن لو عليّه غير اطباعه=ماتغيّرت .. واطباعي هي اطباعي !

[/poem]

.



ذهب ،
ذهب ،
ذهب ،

صااااااااااااااااااااااااااااافي يا أبو محمد !

صح الله السانك ملايين الـ ملايين ، شهادتي مجروحه .. والأعجاب وأنت خابره

جدد متابعتي يـ الشيخ

،