يا ناشدٍ عني تراني شليويح ..!!

لتجديد العهد .. لمناسبة عابره في جدول الحياه ..!
وليدة اللحظه وبدون مقدمات ..:
أتمنى أن تنال الرضى لا الإعجاب..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر وهبة رب يا قاطف الشيح = أقره وفكّر فالمكآن ومقامه
أما تفرّد بك على هبة الريح = والا على الشعر الجزيل الملامه
لكن خذ من زبدة الهرج تصريح = عقّب صبيٍ ما يجوّد كلامه
شاعر وأغني للنجوم المدابيح = وأكتب عليها سيرتي بابتسامه
أصخر بيوت الشعر من دون تنقيح = وأليه عليها وسم ولا علامه
ما أحسب حساب ملاعبين المسابيح =ولا سألت عن الردي والهلامه
وليا زحمني راقي الرجم ما اطيح = حسبي .. عتيبيٍ خواله عمامه
لكن ليا مني ذكرت المشافيح = سميت بالرحمن وأبغى السلامه
هاذي ثلاث اشهور ما هبت الريح = على الهجوس العابره باستقامه
مدري عزوف وعانق الصايمه قيح =ولا ينام وما يطول منامه
العزم ما يحتاج يا هيه تصحيح = عزمي قوي ومساعداته عظامه
أمشي على نهج الرجال الطحاطيح = أهل الفعل وأهل الكرم والزعامه
وليا طرى لي متعب الفطر الفيح = روّح أعقالي وأقتفته العمامه
شطر تداعبه المزون المراويح = وتردده دايم غمامه غمامه
يا ناشدن عني تراني شليويح = مضرب مثل لأهل السمو والفخامه
يوم الشعر للقول والفعل توضيح = بصوت الفشق ماهوب صوت الحمامه
واليوم يا كثر الخلل والتباريح = خالط حلال أهل القوافي حرامه
الشعر طول في صلاة التراويح = وكمل وثوبه طالعٍ فيه شامه
اما يكمل والليال المناطيح = تبريه ولا يا صلاة الندامه

[/poem]