حدّ اليوم لاقاني ؟

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]
يا ضيق صدر البلد يا حسين بعيوني = وياوسع صدر البلد ياحسين باحزاني
كنّ الشوارع واهلها من يمرّوني = وكنّي انا الجالس اللي مامعه ثاني
من غابوا اللي على بعضي يلمّوني = رغم الكثير ؛ الكثير ؛ أحساس وحداني
من ليلهم روحوا عنّي وخلّوني = لا عسعس الليل ضايقني وبكّاني
أحسّني لا أنا ؛ أحسّني بدوني = لا الاسم اسمي ؛ ولا العنوان عنواني
إن كان معنا الضياع يضيق بي كوني = فانا كذا ضايعا من بين صدقاني
هذا انا جالس واحاسب طعوني = مجني علي ؛ واتحاشا خاطر الجاني
مليان صدري حنين وهدهد ظنوني = من فجر في النافذة يبكي وينعاني
على عصافير صبحي ؛ يبست غصوني = واركض من اقصاي بالحقها ولا امداني
يا حسين لوشفتني يوم انخطف لوني = وانا أسأل الناس ؛ حدّ اليوم لاقاني؟!

[/poem]