الـبـيت .. جديده

[align=center]
بعد غيااااب .. أرجو وصولها ... قبولها

*
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البيت لاجيته تهيــض أشجاني=تكــفـون بـــيـعـــوا بـــــيــتـــنــا ياإخـــوانـــي
على الأقل لاجيت زاير لأمي=مــــاشـــوف داره مــاتـــزيــــــد احــــزانــــي
أشوف له ذكرى بكل أركانه=وأحــس تـــتــْـزلـــزل جــمــيـــــع أركـــانـــــي
وأنسى إني رجال وكبير بعمري=وأبـــكــي وأبـّـكـــي مـــن بــغـــى يـنــهــانــي
غصب عليْ تــْـهل عـيني ماها=مــاكـــنـــي إلا مــــن حــــــدا ورعــــانـــــــي
أتذكره يومه هــناك يصلي=وعــقــــب الـــصـلاة يــــرتــــل القــــرآنــــي
وأتذكره لاجيت أسلم يفرح=لاصـــار راضــي رحــــــــب وحـــيــــانــــــي
وإن كان بالخاطر زعل ماينشد=لاشـــــافـــــنـــي مـــريـــــت مانــــــادانـــــــي
يازين دله لاتغلا وعاند=يانـــــي عــــلى ســوالـــفــــه شــفـــــــقــــانـــــي
قلبي يجـــض ليا دخلت الحاره=هو خوف هـــي حـــيـــره وأقــــول شــجــــــانـــي
أنسى بأن الموت حــق وإنه=أمر ٍ مـــــقـــــدر والـــــبــــنـــــــادم فــــــــانـــــي
أو إني أتــْـناسى لأن ماعــمره =أبــعــــد ولاعـــــمـــــره بــــعــــــد خــــــلانـــــــي
دايم وهو حولي وأنا في ظله=عايــش مـــأمـــّـن مـــــن غـــــثــــا عـــدوانــــــي
اليوم راح اللي ينومس ذكره =اللي عـــلـــــى طـــيــــــب الــعـــمــــل ربــــانـــــي
أنا أشهد إنه ماتماهــــن دوره=علـّم وربـّـــى وأكـــمـــل النــــــقـــــــصــــانــــي
مافيه شي ٍ من أمـور الدنيا=إلا وعـــلــــمـــــــنــــــي بــــــــــه ووصـــانـــــــي
الدين وحقوق الرجال وجاري=ووصــل الرحـــم ومــبـــاشـــر الـضـيــــفـــــانــي
وعلمني إن الحق مهما غــيــّب=يظهـــر ولــــــو طــالـــت بــــــه الأزمــــانــــــي
وعلمني أوفي بالوعد واتــْـحرص=ماخون لو خــانــوا بــــي الصـــدقــــــانــــــــــــي
وإن البحر لو هو كثير مايه=عــمر البــــحـر مايـــروي الـضـــــمـــــيـــانــــــي
وعلمني إن المال عبد ٍ سيد=حفظه غـــنــاة ٍ لـــــي عــــــن الـــمــــنـــانـــــــي
يقول لامنك كنزته سادك=صـــرت الســــجــــيـــن ومـــالك الـــســجــانـــــي
وعبد ٍ إليا منك عطيت المعسر=وفـــرجــت ضيــقـــة مـــســـلــــم ٍ حـــيـــرانــــــي
الله يبارك لك به وبــعيالك=وتــشـيـــخ بــعـــلــومــك مـــع الـعـــربـــــانــــــــي
وعلمني أقنع فالنصيب وأسكت =وأرضـــى بـمــاقـــدر لـــــي الــــرحــــمـــانــــــــي
(( وعلمني إن الرزق لو قدر لي=مـــــايــــاخــــــذه لاقــــــاصــــــــــي ولادانـــــــــي
وشي ٍ مقــدر لي فلايخــطيني=واللي لغـــيـــري لــو أبـــيــــه أخــــطـــــــانــــي ))
وأرجع قبل لاأنسى على موضوعي=البـــيــت لــو هــو مـــصـــدر لأشـــــجـــــــــانــــي
لاتاخذون اللي ذكرته أول=قـــلـــتـــــه أنـــا مــن خـــاطــــر حـــزنـــــانـــــــي
خلاص غيرت الطلب والرغبه=مــابي أكــــون بـــعــــيــــنـــــكـــــم آنــــــــانـــــــي
يامطــلق وياخــالـد ويامحــمـــد=أخـــوكــــم مـــــبـــــارك تـــــــراه يـــــعــــانــــــــي
إذا تبــــونـــه يفرح ويستـــانـــس=تكـــفــــون خــلوا بيـــتـــــنــا يـــاإخـــــــوانــــــــي[/poem]

*

مبــــــــارك نايـــف أبــــــوظهيــر[/align]