العنود وحديث الريح !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للريح مع جسم العنود حكاية العشق المباح=قدامها نصف الحكايه والختام خلافها
وانا لو احكي نصف مما قالت انسام الرياح=يمكن يتوه الحرف بين ارباعها وانصافها!
يا ريح ابفشي ربع ما قلتي وابي منك السماح=فا الجمله اللي طافت الشاعر وهو ما طافها
الزين خمر معطرة والشاعر عيونه قداح=ليا امتلت سكرت حروفه من سلاف اوصافها
وان عربدت نشوة بيوت الشعر انا مالي صلاح=الذنب ذنب اللي عطت للريح عرض اكتافها!
كن الهوى يوم انتهك حرمة جسدها ما استراح=الا بعد ما مارس انواع الشغب باطرافها!
طاح الخمار اللي يغطيها ولا ادري كيف طاح=طيحة ملوك زعزعت من فوق عرش اسلافها
منظر ولا اروع منه فيه الليل عانقه الصباح=يوم انهمر مجدولها وازرى ينوش اردافها
كن الهبوب تدوره لا راح عنها وين راح=وليا لقته تضيعه وتدوره ويخافها!
من شاف قبلي سكرة تمشي على الحزم البراح=وثقالها ما حنت ورافت بحال خفافها
ريم تصيف في طرف نجد وتربع في رماح=وانا حياتي رهن تحت رماحها واسيافها
ما تفرق رماح العيون السود عن سود الرماح=الا انها تدخل حنايا الصدر محدن شافها
هذا بعض مما حكته الريح فا الوقت المباح=عنها وانا بيحت في شعري بربع اوصافها[/poem]