نصوص مرقابية راقت لي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حنا تعودنا نجامل على حساب = عقولنا ، وقلوبنا ، والسنتنا
اغراب صوت وقولنا ماله اعراب =نزعل وإذا جينا انتكلم / سكتنا
حنا اولي قوة واولي باس ، والباب=ومن طيبنا نحفر وندفن تحتنا
بين التكاثر والتفاخر بالانساب = الناس راحت للقمر واتركتنا
اذا ضربنا غيرنا ، نضرب الباب =ماهوب قل ، الا ضياع بركتنا
لو ، كان فـ الامه ثلاثين خطاب = جينا امم فـ غياب خطاب جتنا
مال الاسد غابه ومال الاسد ناب =والارض شبعت مننا وارتوتنا
تبنى دول وتطيح من فعل الاحزاب=ونشوف طيحتها ولاعلمتنا
مع شين واقعنا نوقف على اعتاب=اعوام ،مر ايام منها وكوتنا
حنا من التاريخ في صفحة كتاب = اذا خذلنا سنينا ، شققتنا
الاندلس راحت وجبنالها اسباب =وهالحين نفس اسبابها حاصرتنا
مابين فرس وروم ،واصحاب واغراب=جتنا من الذله خيول ووطتنا
مدري متى نصحى ونقدر على إرهاب =عدواننا بجيوشنا واسلحتنا
الارض ماهي : مدن ، وحدود ، وتراب=والارض ماهي :دورنا وابنيتنا
الارض عرض ،وشبر منها إذا غاب =يعني خلل فينا وفي مرجلتنا[/poem][/B][/SIZE][/COLOR][/FONT][/QUOTE]

عفاس بن حرباش