الحياه الحالمه

[poem=font="Simplified Arabic,6,tomato,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]



الحمد لله طبت وحل همي وزاح=
وإرتحت من سالفة عشق اوصال وهجر=
أثر الهنا والحياه الحالمه والتجاح=
في طاعة الله وتوحيده وكثر الذكر=
العام في غفلتن فصلت منها وشاح=
وكشخت به بين عباد الهوى والفخر=
أعيش في كربة(ن) منها طعن وإجتياح=
قلعات صدري ولو سقف الصدر من حجر=
ماكنت أفرق هذا حرام وإلا مباح=
وما كان خوفي من الله كثر خوف البشر=
غصنن صموده يخونه بتجاه الرياح=
ماتقل أمامي حساب ونومتن في قبر=
ولا للمنايا مخالب أو مزارق رماح=
وماتقل مدتني الدنيا دروس وعبر=
تو إكتشفت إن هالدنيا جهاد وكفاح=
ودامي عرفت الطريق الصح مالي عذر=
الموت يقطف من الأرواح ليل وصباح=
والناس ماكنها إلا معتريها سحر=
ورد الهوى في قلوب إضعاف الإيمان فاح=
وطاحت صروح المبادي والفساد إنتشر=
تعبت أناظر سقوط الناس وأطلق صراح=
تنهيد نفس(ن) من الدنيا تعيش بذعر=
وياطير ياللي يضفك للخضيراء جناح=
خذني معك مابقى فيني بقايا صبر=
عن ناس ماصار تتهيا لكبح الجماح=
عن المجاهر بفحش وشىء ماينذكر=
ناس(ن) ترى بالتخاذل والسقوط إنفتاح=
وترى أنها بتباع الدين ماتزدهر=
مافيه من عز دين الله تعالى وطاح=
حنا لحضناه وأوصانا الخليفه عمر=
قال إن الإسلام عز وطمأنه وإنشراح=
وإذا هملناه عشنا دون صيت وذكر=
سلاحنا الدين من يرغب بدونه سلاح=
والله ماينشرح صدره ولا يستقر=
فيا رب خذهم إيدين الغوى للفلاح=
وزدهم تقى وأعطهم فكر(ن)سليم وبصر=
ويارب عفوك وصفحك والرضى والسماح=
وسترك بيوم(ن) مايسترني بدونك ستر= [/poem]