مرسى ( هاجوس فكري )

ابيات مجاراة
بتاريخ
12-06-2004, 10:19

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هيضت شايب ويحرق للزقاير كروز = ياراعي القاف وش علمك تزيد تعبي
يوم اتذكر زمانٍ بين جوز ٍ ولوز = مع قطف الاثمار طرد الصيد مايغتبي
مايستهيض المشاعر كل طرف ٍ غموز = الا ليا شفت مبسمها وصفا مشربي
زينٍ طبيعي ليا خزيييت ما به خزوز= إليا صفا لك وفاء لك والهوى يغلبي
وان شفت ضبي ً مذيّر صاب قلبي حزوز=لو طاوعتني مشيت إبها على منكبي
واقول يابنت قومي والبسي ثوب روز=ملبوس جدتتس وامتس وارقصي واطربي
واشتالي القربه اروي من قليبٍ نزوز=والا اسرحي في النياق ودرهمي واحطبي
ثم ادبغي للصميل اللي بجلد مخروز=بلاش خضاضه تشغّـل على الكهربي
نمشي على السلم الاول قبل عَده نشوز=وإليا ضوى الليل فلّي للجديل العبي
واليوم بين الجنوز وبين ربع البنوز=الصيد مشمل وانا عن طردهن مجنبي
ماعاد ابه فرق بين البنت هي والعجوز= مكياج واحد وشنطه وال عبي قلّبي
ان كان ماجزت ياضاوي ترانا نجوز = وشمالي الثقبه اللي قلت ما نقربي
زماننا ما بقى به حاجة ٍ ما تجوز= البكري اليوم ما يعرف من التغلبي[/poem]