رثاءً في الفقيد العم / سالم بن عواض العازمي العتيبي

أحسن الله عزانا وعزاكم جميعاً وهذا تعبير سريع ولو انه يخوني التعبير وخاصة
في مثل هذه المواقف .





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أبا أدعي للفقيد إنه يفوز ويسلم التعذيب=وأقول بدعوتي زلت خطاه الله يسددها
عسى قبرٍ سكن به روضةٍ يلقى بها ترحيب=وتسقيه السحايب كل مادلّت قلايدها
كريمٍ شهم طيب ساس صاحب دين منقع طيب=ولو جبت القلم يتعب خصالها مايعددها
ورى ما أرثيه يوم إنه ليا جات الصعاب صعيب=ليا زانت لي القيفان أبا آخذ من فرايدها
تقدّم يالقلم رابع ثلاثة لا فقدت ذهيب=أبا أملي وأنت سجّل ضيقةٍ راسي مواسدها
ليا مني ضوت لي ليلةٍ تشبه لوجه الذيب=وضاقت بي مناكبها دخيلك لا تساعدها
توقع زين واكتب لي بيوت القاف بالترتيب=علي أطرد واجيب الشاردة وإكتب شرايدها
تعبر عن ضميرٍ كن فيه من السموم لهيب=تحداني همومٍ ضيقت بالي وأكابدها
سنينٍ دبّرت يالله تكافي شر ما فالغيب=خذت لي من ضروسي خمسةٍ ما أنسى فوايدها
طواحينٍ تلين لها العظام ولا دخلها العيب=ليا دارت تهون لها الصعاب ولا تعاندها
أقول الوقت وأقول المصيبة في الدهر والشيب=وأقول إن القضية ليلٍ أظلم غاب شاهدها[/poem]



واللهم اغفر له وأكرم نزله ونقه من الذنوب والخطايا